Actualidade

Ex., 17-09-2019
Ex., 17-09-2019
Luns, 16 de setembro de 2019
A Policía Local de Ames pon en marcha a campaña de vixilancia e control da velocidade

O Concello de Ames e a Dirección Xeral de Tráfico colaboran na campaña de control especial sobre distraccións ao volante, que comeza hoxe e se desenvolverá ata o vindeiro 22 de setembro. A Policía Local de Ames colaborará no control da vixilancia de factores como o uso indebido do móbil, navegadores GPS ou outros dispositivos. Asemade, esta semana entra en funcionamento tamén o radar para a campaña de velocidade, priorizando o seu uso en zonas escolares e aquelas outras onde se están a recibir queixas da veciñanza polo perigo que supón a velocidade á que circulan os coches.

Mércores, 11 de setembro de 2019
Imaxe da entrada á oficina da Policía Local de Ames, situada na rúa Alcalde Lorenzo, en Bertamiráns

O Concello de Ames segue a confirmar os bos datos en materia de seguridade e conseguiu reducir nun 18,9% o total de infraccións penais no primeiro semestre de 2019, en relación ao mesmo período de 2018. É o concello da provincia de máis de 30.000 habitantes que máis descende, seguido de Arteixo, A Coruña e Santiago. Os datos, recollidos no balance do segundo semestre de 2019, de criminalidade do Ministerio do Interior, amosan á tendencia á baixa do Concello de Ames. Descenden os delitos contra a liberdade e indemnidade sexual (33,3%); os roubos con forza en domicilios establecementos e outras instalacións (37%); os furtos (17,7%); e o tráfico de drogas (33,3%).

Mércores, 04 de setembro de 2019
A Policía Local de Ames realizou a pasada fin de semana máis de 100 controis preventivos de alcoholemia

Os axentes da Policía Local realizaron durante os días 29, 30 e 31 de agosto máis de 100 controis preventivos de alcoholemia nos núcleos de Bertamiráns e O Milladoiro. Entre as probas realizadas, 7 condutores deron positivo. A principal razón da posta en marcha deste tipo de actuacións é que o aumento dos controis preventivos é un dos factores que está a favorecer un cambio de comportamento dos cidadáns nesta materia.