Os veciños de Bertamiráns están a sufrir as consecuencias dos cambios que o goberno local executou no tráfico convertendo varias rúas en dirección única, o que dificulta a circulación na capital da Maía. Coa chegada das chuvias semella que os problemas aínda se acentúan máis e afectan sobre todo a quen tratan de achegarse ós centros educativos da avenida da Peregrina.
As obras do Milladoiro seguen a ser a maior preocupación dos veciños, cada vez máis indignados pola falta de sinalización, os cortes de tráfico e un sinfín de molestias que están a sufrir. O PP de Ames volve insistir. Non se rende. Despois dun escrito presentado o 2 de abril e de numerosas interpelacións exixindo que se mellorara a sinalización das obras de humanización do Milladoiro, non ten constancia de que durante todo este tempo, que é xa de sete meses, se levase a cabo ningunha medida neste senso téndose producido numerosos contratempos entre os que destacan dous accidentes que acabaron con un home no hospital por unha caída de moto e con unha muller atendida por un ataque de ansiedade despois de que atropelaran ós seus dous cans.
O PP de Ames critica a tardanza da reunión do alcalde con ACUAES, dez días despois da contaminación, e a súa reacción centrando as críticas na Xunta que nada tivo que ver con este suceso.
A presidenta do PP de Teo, Lucía Calvo, xunto coa portavoz do PP de Ames, María Oliva Agra, mantiveron hoxe un encontro co portavoz do Grupo Provincial do Partido Popular na Deputación, Evaristo Ben, para demandar urxente unha mellora da seguridade viaria na estrada provincial DP-0206 ao seu paso polos núcleos de Calo (Teo) e Agrela (Ames).
O PP non entende como a iniciativa da Deputación da Coruña chamada MercaNaVila deixa fora ó Concello de Ames. Desde o 20 de outubro os veciños de 82 municipios da provincia poden facer uso desta campaña de bonos, con un desconto total de cen euros, para utilizar no comercio. Quedan excluídos A Coruña, Santiago, Ferrol, Carballo Ribeira, Arteixo, Cambre, Culleredo, Oleiros ,Narón... e Ames, castigados por ter máis de 20.000 habitantes.
