Durante a noite a caída dunha árbore provocou a rotura lunha liña de media tensión, o que afectou a tres tramos de liña pertencentes ao concello de Ames: Trasmonte, Leboráns e Portanxil. A incidencia foi solucionada ao longo da mañá.

O Concello de Ames vén de aprobar na Xunta de Goberno Local do 16 de agosto a concesión das subvencións a entidades de iniciativa social sen ánimo de lucro que levaron a cabo actividades complementarias aos servizos sociais comunitarios e inclusión social de Ames durante o primeiro semestre de 2024.

O F.C. Meigas dá comezo á nova tempada co lanzamento da súa campaña de abonados "20 anos camiñando xuntxs". Aquelas persoas que o desexen xa poden conseguir o seu abono ou facerse socias premendo na ligazón ao pé deste aviso. Para máis información, podes contactar co club no teléfono 621 04 33 27, a través das súas redes sociais ou enviando un correo electrónico a fcmeigas@gmail.com.

Premendo na ligazón que está ao pé deste aviso pódese obter o menú das escolas infantís municipais de Ames para esta semana. Este menú foi elaborado pola nutricionista municipal do Concello de Ames.