Premendo nas ligazóns que están ao pé deste aviso pódense obter os menús da Rede de Comedores Escolares (almorzos, xantares e merendas). Estes menús foron elaborados pola nutricionista municipal do Concello de Ames.

A Aula da Natureza do Concello de Ames volve con novas actividades para os meses de outono e inverno. Nesta ocasión, organiza a actividade “Cociña de Outono”, composta por tres xornadas, para promover o uso de produtos propios desta época do ano como son a cabaza, as castañas e as laranxas, que serán a base das receitas que se elaboraran nestas tres citas. Este sábado, 8 de novembro, terá lugar unha segunda sesión do obradoiro de biscoito de cabaza, dirixido a nenos e nenas de 6 a 14 anos. Será en horario de 11.00 a 13.30 horas, na instalación que a Aula da Natureza ten na Ameixenda. Estes obradoiros están impartidos por persoal da Escola de pastelería infantil Dolci e Bambini.

O Concello de Ames, a través do departamento de Persoal, fai público o anuncio da listaxe definitiva de admitidos/as no proceso selectivo para creación dunha bolsa de agarda para o posto de técnico informático do Concello de Ames.

No marco das actividades de dinamización do mercado de produtos da horta e artesanía de Ames, este sábado 8 de novembro, organízase un obradoiro de crema hidratante que impartirá Benxamín. Nesta actividade, impartiranse técnicas de cosmética natural para poder aprender a realizar as nosas propias cremas. Dito obradoiro impartirase de 11.30 a 12.30 horas.