Avisos
Lunes, 5 junio, 2023
Ata o vindeiro luns, 12 de xuño, estará aberto o prazo para que novo alumnado presente as súas solicitudes de praza na Escola Municipal de Música de Ames, a EMMA, de cara ao vindeiro curso 2023-2024. Está previsto que as novas altas comecen as clases o 15 de setembro. A inscrición pode realizarse a través da Sede electrónica do Concello de Ames, ou ben de xeito presencial nos rexistros municipais, sen necesidade de solicitar cita previa. Para máis información, pódese contactar coa EMMA a través do enderezo electrónico escolademusica@concellodeames.gal, ou ben a través do teléfono 981 535 940, en horario de 9:00 a 14.00 horas.
Lunes, 5 junio, 2023
O Concello de Ames informa de que xa non quedan citas dispoñibles para a expedición ou renovación do Documento Nacional de Identidade (DNI) na unidade móbil que instalará un equipo da Policía Nacional o vindeiro 7 de xuño, no Pazo da Peregrina de Bertamiráns. Esta iniciativa, que nace da colaboración do corpo da Policía e o Concello, busca facilitar a realización do trámite entre a veciñanza, que habitualmente ten que desprazarse ata as dependencias de Santiago de Compostela. Con ese obxectivo, a unidade móbil volverase a trasladar a Ames o día 7 de novembro.
Viernes, 2 junio, 2023
Con motivo da convocatoria de eleccións ás Cortes Xerais, que terán lugar o próximo día 23 de xullo o Concello de Ames expón ao público, para consulta e presentación de reclamacións, o censo electoral elaborado pola Oficina do Censo Electoral, durante o período de exposición do 5 ao 12 de xuño, ambos inclusive. O servizo de consulta realizarase por medios informáticos e será de xeito individual para cada persoa que o solicite, presentando o seu documento de identidade.
Viernes, 2 junio, 2023
Premendo na ligazón que está ao pé deste aviso pódense obter os menús das escolas infantís municipais de Ames para esta semana. Estes menús foron elaborados pola nutricionista municipal do Concello de Ames.
Viernes, 2 junio, 2023
Premendo nas ligazóns que están ao pé deste aviso pódense obter os menús da Rede de Comedores Escolares (almorzos, xantares e merendas). Estes menús foron elaborados pola nutricionista municipal do Concello de Ames.
Viernes, 2 junio, 2023
O Concello de Ames, a través do departamento de Persoal, fai públicas as puntuacións definitivas dos méritos presentados polos/as aspirantes ás prazas de persoal fixo - descontinuo (escola de música, tractorista e persoal de servizos xerais), incluídas no proceso selectivo de estabilización de emprego temporal da oferta de emprego público de 2022.
Jueves, 1 junio, 2023
O departamento de Educación do Concello de Ames fai públicas as listaxes provisionais de nenas e nenos admitidas e excluídas do programa de conciliación Xuño Lúdico 2023, para a EEI do Milladoiro, o CEP Ventín e o CEIP A Maía. O prazo para subsanar a documentación das solicitudes que foron excluídas remata o 15 de xuño de 2023.
Miércoles, 31 mayo, 2023
O Concello de Ames, a través do departamento de Persoal, fai público o anuncio cos resultados do exame tipo test do segundo exercicio da fase de oposición do proceso selectivo para a contratación laboral temporal de dous peóns para o departamento de Obras e servizos básicos do Concello de Ames, subvencionada a través do programa de axudas PEL 2023.
Miércoles, 31 mayo, 2023
O Concello de Ames, a través do departamento de Persoal, fai públicos os resultados da baremación de méritos nos procesos selectivos para a selección de prazas de asesoría psicolóxica de servizos sociais, mediador social intercultural, técnico/a de normalización lingüística, técnico/a de educación e técnico/a local de emprego, incluídas no proceso selectivo de estabilización de emprego temporal da oferta de emprego público de 2022.
Miércoles, 31 mayo, 2023
O Concello de Ames, a través do departamento de Persoal, fai público o anuncio cos resultados do exame tipo test do segundo exercicio da fase de oposición do proceso selectivo para a contratación laboral temporal de dous peóns para o departamento de Medio ambiente do Concello de Ames, subvencionada a través do programa de axudas PEL 2023.
- 1 de 81
- siguiente ›