O Concello de Ames incrementa o servizo ofrecido á veciñanza  para consultas relacionadas coas axudas postas a disposición das  afectadas e afectados no eido laboral pola situación de emerxencia sanitaria do coronavirus. Deste xeito, as veciñas e veciños de Ames, poderán chamar ao número 669 02 47 33, de luns a venres en horario de 9.00 a 14.00 horas, para formular as súas dúbidas que serán atendidas polo Servizo de Emprego amesá.

O Concello de Ames, a través da Concellaría de Servizos Básicos, informa sobre as recomendacións e instrucións que hai que seguir na xestión de residuos domésticos nos fogares que hai persoas contaxiadas ou en corentena polo COVID-19. Deste xeito, durante o período de confinamento domiciliario pola pandemia do coronavirus, deben extremarse os coidados á hora de depositar os residuos domésticos que se xeran.

O Concello de Ames, a través da Concellaría de Promoción Económica e Emprego, habilita un número de teléfono para que a veciñanza amesá, que o precise, poida realizar consultas relacionadas con temas de desemprego, derivado da declaración do estado de alarma como consecuencia da pandemia do Covid-19. Deste xeito, pódese chamar ao número de teléfono 669 02 47 33, de luns a venres, en horario de 9.00 a 14.00 horas.

O Concello de Ames informa de que por medio de decreto de Alcaldía se aprobou a subministración de equipos de protección individual (EPI) para todo o persoal municipal, que deba prestar servizos mínimos no exercicio das súas funcións; a compra de material informático e tecnolóxico, así como dos servizos necesarios para a súa implantación na prestación dos servizos públicos; e mailas subministracións básicas para persoas en situación de emerxencia social ou aquelas necesarias para a prestación de calquera dos servizos socias do concello.