Actualidad
Viernes, 03 de noviembre de 2023
A Casa da Cultura de Bertamiráns acolle o vindeiro venres, 10 de novembro, ás 20:00 horas, a gala de entrega de premios do IV Certame Galetiktokers, unha iniciativa dos departamentos de Xuventude e de Normalización Lingüística do Concello de Ames, que se realiza por cuarto ano consecutivo e que ten como obxectivo fomentar a creatividade da rapazada e animar a creación de vídeos en galego a través das redes sociais e das novas canles de comunicación. Nesta cuarta edición presentáronse 51 vídeos, realizados por máis de 120 mozos/as de Ames e doutras localidades de Galicia. O evento estará presentado e dirixido polas/os creadoras/es de contido en galego, @Pradorua e @Gabiig8, e amenizado polo grupo amesán, Onda Dagda. A gala é aberta ao público e para reservar praza cómpre confirmar asistencia ata as 14.00 horas do 8 de novembro, enviando un correo electrónico ao enderezo: galetiktokers23@gmail.com.
Miércoles, 25 de octubre de 2023
Dende ás 11.00 horas de hoxe, 25 de outubro, e ata as 11:00 horas do venres, 27 de outubro, está aberto o prazo para votar a través de Instagram polos vídeos presentados ao concurso Galetiktokers, unha iniciativa dos departamentos de Xuventude e Normalización Lingüística do Concello de Ames, que pretende estimular a creatividade da rapazada animando á creación audiovisual en galego. Nesta cuarta edición presentáronse 51 vídeos, realizados por máis de 120 mozos/as de Ames e doutras localidades de Galicia. Premendo nesta ligazón pódense consultar as bases ao completo do IV Certame Galetiktokers.
Viernes, 06 de octubre de 2023
A Concellaría de Xuventude organizou un novo curso de lingua de signos (LSE) para a poboación moza. A formación comezou este xoves, 5 de outubro, e impartirase durante os meses de outubro, novembro e decembro na Casa da Cultura do Milladoiro. Participan 20 mozos e mozas de 16 a 35 anos. A través da formación, a mocidade poderá adquirir as ferramentas necesarias para o desenvolvemento das principais destrezas comunicativas das linguas viso-xestuais.
Jueves, 14 de septiembre de 2023
A Concellaría de Xuventude convoca un novo curso de lingua de signos (LSE) para a poboación moza. A formación impartirase nos meses de outubro, novembro e decembro na Casa da Cultura do Milladoiro. As persoas interesadas en inscribirse poden facelo enviando este impreso debidamente cuberto e asinado ao enderezo electrónico xuventude@concellodeames.gal entre o 15 e o 21 de setembro. As prazas son limitadas.
Lunes, 03 de julio de 2023
Este sábado, 8 de xullo, terá lugar, no campo da festa de Biduído, unha nova edición do SolporSon de Ames. Trátase dunha iniciativa posta en marcha polo departamento de Mocidade no ano 2019, que se celebrará nesta ocasión por cuarto ano. A festa arrincará ás 22:00, e ao longo de cinco horas sucederanse as actuacións dos grupos A Quinkillada e Jinetes del Trópico, así como de Señora DJ. Poñerase a disposición dos asistentes un servizo de autobús para acudir e volver do festival dende Bertamiráns e O Milladoiro. A entrada será libre e gratuíta.
Jueves, 15 de junio de 2023
O sábado 8 de xullo terá lugar, no campo da festa de Biduído, unha nova edición do SolporSon de Ames. A festa arrincará ás 22:00 horas, e ata as 3:00 da madrugada sucederanse as actuacións de A Quinkillada, Jinetes del Trópico e Señora DJ. Poñerase a disposición dos asistentes un servizo de autobús para acudir e volver do festival. A entrada será libre e gratuíta.
Martes, 06 de junio de 2023
A Concellaría de Xuventude de Ames organiza, a través do programa Trouleando, unha xornada no Aquapark de Cerceda, un parque acuático cunha ampla e variada gama de atraccións nas que pasar unha xornada de ocio con aquatubos, piscina de ondas, roaller coaster, tobogán de donuts, kamikaze, etc. Será o xoves 22 de xuño e ofrecerase servizo de autobús dende Bertamiráns e O Milladoiro. As persoas interesadas poden anotarse enviando a ficha de inscrición debidamente cumprimentada ao enderezo electrónico xuventude@concellodeames.gal entre os días 8 e 14 de xuño (ambos incluídos). As prazas para participar son limitadas e asignaranse por orde de chegada.
Viernes, 19 de mayo de 2023
O Concello de Ames, a través das Concellarías de Medio Ambiente e de Xuventude, abre o prazo de matrícula para o programa de campamentos municipais de verán 2023. As familias dos nenos/as e mozos/as que dispoñen de praza poden facer a matrícula dende hoxe, día 19, ata o 31 de maio. A documentación presentarase preferiblemente a través do rexistro telemático na Sede electrónica do Concello ou no rexistro de calquera administración pública adherida á plataforma de intercambio rexistral (SIR). Preme nesta ligazón para descargar o impreso de matrícula.
Jueves, 11 de mayo de 2023
O Concello de Ames, a través da Concellaría de Xuventude, organizou xunto co departamento de Educación Física do IES de Ames, unha charla dirixida ao alumnado de primeiro de bacharelato na que participou Marcelo Lusardi, un xoven skater do Milladoiro que é invidente. En dito encontro Marcelo Lusardi compartiu co alumnado a súa experiencia e mostroulles que ter unha discapacidade non é motivo para quedar atrás nin sentirse menos que ninguén.
Miércoles, 10 de mayo de 2023
O pasado domingo, 7 de maio, clausurouse o curso de monitores de tempo libre organizado polo departamento de Xuventude do Concello de Ames. O curso, homologado pola Xunta de Galicia, contou con 15 participantes, e desenvolveuse no Pazo da Peregrina e na Casa da Cultura de Bertamiráns durante as fins de semana e os días festivos dos meses de marzo, abril e maio, en horario de 9:00 a 14:00 e de 16:00 a 21:00 horas. Á xornada de clausura asistiu a concelleira de Mocidade, Escarlata Pampín. Unha vez rematada a parte teórico-práctica, de 200 horas de duración, os alumnos e alumnas teñen por diante 150 horas de prácticas en empresas, que deberán levar a cabo nos vindeiros dous anos.
- ‹ anterior
- 7 de 16
- siguiente ›