A Concellaría de Mocidade ten programada para o sábado, 25 de setembro, unha nova actividade do programa Trouleando, que está dirixida a mozos/as de Ames. Neste caso, organizouse unha xornada de Scape Room no laberinto do Millo en A Torre, Cacheiras. O prazo para inscribirse nesta actividade estará aberto do 15 ata o 20 de setembro. Para inscribirse hai que enviar a ficha cuberta a omix@concellodeames.gal As prazas, que son limitadas, cubriranse por orde de chegada das inscricións. Esta actividade é de balde e está organizada pola Oficina Municipal de Información Xuvenil (OMIX).

O programa de Sexualidade positiva e saudable [con]sentido prosegue o sábado 18 de setembro cunhas Xornadas de Educación Sexual. O programa, posto en marcha pola Concellaría de Mocidade, conta cunha ampla programación que abrangue un concurso de fotografía, obradoiros de sexualidade, xornadas de Educación Sexual e un videoforum. As xornadas queren ao longo de cinco horas achegarse aos mozos de Ames un novo xeito de achegarse á sexualidade. Podedes inscribirvos en con.sentido@agasex.org e descargar nesta ligazón a ficha de inscrición. Este programa se encadra dentro dos orzamentos participativos de Mocidade.

Dende o 15 de xullo, os músicos e músicas de Ames xa poden reservar o local municipal A Factoría enviando a solicitude a través do correo electrónico omix@concellodeames.gal. Polo menos, un dos/as seus/súas integrantes debe estar empadroado en Ames e o grupo debe estar dado de alta no censo municipal de artistas do concello. As instalación teñen un novo horario que é, de luns a venres, de 10.00 a 22.00 horas.

A concellaría de Mocidade vai iniciar o luns día 26 de xullo o programa [con]sentido cunha ampla programación que abrangue un concurso de fotografía, obradoiros de sexualidade, xornadas de Educación Sexual e un videoforum. Con este programa darase resposta á demanda da mocidade amesá nos Orzamentos participativos do ano 2020.