O pasado xoves 23 de abril finalizou unha nova edición do ciclo Abril de Cine, unha iniciativa enmarcada dentro da programación deseñada polo departamento de Cultura do Concello de Ames e que ten como obxectivo achegar á veciñanza o cinema de actualidade. Este ano proxectáronse “Rondallas”, de Daniel Sánchez Arévalo; “Romería”, de Carla Simón e a aclamada “Sirât”, de Óliver Laxe. A estas tres sesións achegáronse un total de 376 persoas, superando, outro ano máis, as cifras da edición anterior.

O alcalde e concelleiro de Cultura, Blas García,xunto a outros/as concelleiros e concelleiras do grupo de goberno e dos grupos municipais do Partido Popular e do BNG, realizáronlle este pasado mércores pola tarde unha recepción institucional aos actores, actrices e persoal das compañías que foron premiados/as e nominados/as nos XXX Premios de Teatro María Casares. A través de dito recibimento, realizado no salón de plenos da Casa do Concello, púxose en valor o talento e calidade artística amesá no eido cultural. En dito acto púxose de manifesto a necesidade de contar cun novo auditorio acorde ao tamaño e o crecemento que Ames experimentou nos últimos anos.

A programación cinematográfica Abril de Cine, unha iniciativa enmarcada dentro da programación deseñada polo departamento de Cultura do Concello de Ames e que ten a finalidade de achegar o cinema de actualidade á veciñanza amesá, chegará á súa fin esta semana coa proxección da aclamada película “Sirât” o vindeiro xoves 23, ás 20.00 horas, na Casa da Cultura do Milladoiro. As entradas xa se poden adquirir a través da Billeteira electrónica do Concello de Ames. 

Esta semana celebrase a segunda sesión do ciclo Abril de Cine, unha iniciativa enmarcada dentro da programación deseñada polo departamento de Cultura do Concello de Ames e que ten a finalidade de achegar o cinema de actualidade á veciñanza amesá. Esta nova sesión terá lugar este xoves 16 de abril, ás 20.00 horas no auditorio do Milladoiro, coa proxección do filme “Romería”, da directora catalá Carla Simón. As entradas xa se poden adquirir a través da Billeteira electrónica do Concello de Ames.