Actualidad

Por ejemplo, 15-08-2026
Por ejemplo, 15-08-2026
Sábado, 27 de julio de 2019
A Comisión de Orzamentos Participativos para a Mocidade analizou os proxectos elixidos para o seu desenvolvemento en Ames
Xuntanza da Comisión de Orzamentos Participativos para a Mocidade

O salón de plenos da Casa do Concello acolleu este luns, 22 de xullo, unha nova xuntanza da Comisión de Orzamentos Participativos para a Mocidade 2018. Nela, analizáronse os proxectos votados no seu día, destinados á construción de dous anfiteatros, un no Milladoiro e outro no lugar de Lapido, preto de Bertamiráns, para organizar festas, teatro e cine ao aire libre. Ademais, acordouse a realización de dous festivais con grupos locais que servirán para inaugurar ditos equipamentos. 

Viernes, 01 de febrero de 2019
O Pleno aproba por unanimidade o crédito extraordinario 1/19, por valor de 312.127 euros, para sufragar as actuacións de 2019 incluídas no Plan Impulsa Ames da EDUSI
Imaxe do pleno celebrado o 31 de xaneiro de 2019

Este xoves, 31 de xaneiro, celebrouse o pleno ordinario correspondente ao mes de xaneiro no que a Corporación municipal aprobou por unanimidade concertar o crédito extraordinario 1/19, por valor de 312.127 euros, para sufragar as actuacións do exercicio 2019, incluídas no Plan Impulsa Ames da EDUSI. Outros temas que saíron adiante foron: a aprobación inicial da ordenanza de Convivencia cidadá do Concello de Ames; a aprobación inicial do regulamento do programa Xantar na Casa; a resolución das alegacións e maila aprobación definitiva da modificación do regulamento de Comedores Escolares, Bos Días Cole e Tardes divertidas; e mailo Acordo para a estabilización do emprego temporal no Concello de Ames.

Lunes, 28 de enero de 2019
O Pleno debaterá a aprobación inicial do crédito extraordinario 1/19 para sufragar as actuacións de 2019 incluídas no Plan Impulsa Ames da EDUSI
Imaxe do pleno

Este xoves, 31 de xaneiro, celebrarase o pleno ordinario correspondente ao mes de xaneiro no que a Corporación municipal debaterá a aprobación inicial do crédito extraordinario 1/19 para sufragar as actuacións do exercicio 2019 incluídas no Plan Impulsa Ames da EDUSI. Outros temas que debaterá a Corporación municipal son a aprobación inicial da ordenanza de Convivencia cidadá do Concello de Ames, así como a aprobación inicial do regulamento do programa Xantar na Casa. Tamén se aprobará, se procede, a resolución das alegacións e maila aprobación definitiva da modificación do regulamento de Comedores Escolares, Bos Días Cole e Tardes divertidas, o Acordo para a estabilización do emprego temporal no Concello de Ames, e unha proposta presentada polo grupo municipal do Partido Popular. Premendo no enlace que está a túa dereita, baixo o apartado de descargas, poderás obter a convocatoria coa orde do día do pleno ordinario de xaneiro.