Pestanas principais

Departamento de Turismo

    • Enderezo: Casa do Concello. Praza do Concello, número 2, Bertamiráns.
    • Teléfono: 981 88 30 02, extensión 9966.
    • Horario de atención ao público: 09:00 a 14:00 horas
    • Responsable municipal:
    • Responsable técnico:
      • Sonia Moure Oliveira, técnica de turismo.
Outros Datos: 

Novas do departamento

Ames acollerá a final do primeiro campionato de golf Circuito TUR 43

O vindeiro 16 de outubro a gran final do torneo celebrarase no Real Aeroclub de Santiago, na parroquia de Piñeiro, a portas abertas. O obxectivo é achegar os Camiños de Santiago que pasan polo norte de España aos amantes do golf. O campionato desenvólvese en catro fases celebradas en País Vasco, Cantabria, Asturias e Galicia. Para participar, pódese consultar na súa páxina web.

Ames e Brión conmemoran A Batalla de Altamira o día 21 de setembro con teatro e música

Despois de adiar varias actividades no mes de xuño debido á meteoroloxía adversa por choiva, volve “Altamira Brilla”, a festa histórica do Val da Maía, organizada polos Concellos de Ames e Brión, xunto coa Deputación da Coruña, para conmemorar a histórica Batalla de Altamira. O programa inclúe a representación teatral “A Batalla de Altamira”, a cargo do grupo Os Quinquilláns; a actuación dos grupos de pandeireteiras de Ames e Brión; e o concerto do grupo Carmela, que se van celebrar o domingo 21 de setembro en horario de mañá e tarde. Todas as actividades son de acceso libre ata completar aforo.

Ames estivo en Fitur representado ás asociacións de Fisterra-Muxía e Muros-Noia para a promoción de dous dos tres camiños que discorren polo seu territorio

Este pasado xoves, 23 de xaneiro, o alcalde de Ames e responsable da área municipal de Turismo, Blas García, participou na Feira Internacional de Turismo, que se celebra en Madrid do 22 ao 26 de xaneiro, nas presentacións dos Camiños Fisterra – Muxía e da Ría de Muros Noia. A Asociación de Concellos do Camiño Fisterra-Muxía, da que forma parte Ames, puxo en marcha a campaña O Camiño que remata no mar para promocionar dito Camiño de Santiago. Ademais, o Concello de Ames participou na presentación do Camiño Marítimo a través da Ría de Muros Noia.

Ames estivo representado en Fitur co Camiño da Ría de Muros-Noia

O concelleiro de Turismo, Manuel Lens, acudiu, o pasado 19 de maio, á Feira Internacional de Turismo para presentar o Camiño de Santiago da Ría Muros-Noia, ruta que pasa polo Concello de Ames. No evento, o edil estivo acompañado polo experto en turismo Fernando Valmaseda, o concelleiro de Turismo de Santiago, Gumersindo Guinarte, la alcaldesa de Muros, Ines Monteagudo, o vicepresidente da Diputación, Xosé Regueira, e delegado de la Xunta en la provincia de A Coruña, Gonzalo Trenor.

Ames estrea as Oficinas Móbiles de Atención ao Peregrino

A subdelegada do Goberno na Coruña, María Rivas, presidiu xunto co alcalde de Ames, Blas García, a presentación das Oficinas Móbiles de Atención ao Peregrino da Garda Civil que estarán despregadas ao longo dos diferentes itinerarios do Camiño de Santiago. A subdelegada informou que as OMAP ́s estarán activas durante os meses de maior afluencia de peregrinos no Camiño de Santiago, desde o día 28 de xuño ata o 1 de novembro.

Ames participará nun proxecto singular turístico sobre a Depresión Meridiana que promove a Deputación

O vicepresidente e responsable provincial de Turismo, Xosé Regueira, anunciou esta mañá no Concello de Ames que a Deputación está iniciando a posta en marcha dun novo proxecto singular turístico ao redor da Depresión Meridiana. Esta proposta, que involucra a varios concellos da provincia, foi o principal punto de traballo da xuntanza mantida esta mañá entre Xosé Regueira e o alcalde de Ames, Blas García, e na que tamén participaron o deputado de Patrimonio, Xosé Lois Penas, o tenente de alcalde de Ames, David Santomil, e o concelleiro de Turismo, Manuel Lens, entre outros concelleiros e concelleiras do goberno municipal.

Ames volve a poñer en marcha as iniciativas Café con verso e Caldo de Gloria para homenaxear a Rosalía de Castro

Este mércores, 23 de febreiro, os cafés que se poñan nos bares e cafetarías de Ames irán acompañados de versos de Rosalía. Durante a xornada de hoxe repartíronse nos locais de hostalaría unhas tarxetas con versos rosalianos, previamente escollidos polo poeta amesán Carlos Negro. Café con verso busca difundir a obra, o pensamento e a figura de Rosalía ao tempo que se promove a hostalaría amesá. Ademais, o alumnado que é usuario da Rede municipal de comedores escolares xantará mañá caldo galego, que se enmarca dentro da iniciativa Caldo de Gloria.

Ames volve a sumarse ás iniciativas Café con verso e Caldo de Gloria con motivo do Día de Rosalía, que se celebra o 23 de febreiro

Con motivo da celebración do Día de Rosalía  o Concello de Ames volve a sumarse á iniciativa Café con verso para rendirlle homenaxe á escritora. Deste xeito, entre os días 22 e 26 de febreiro (ámbolos dous incluídos), repartiranse nos locais de hostalaría unhas tarxetas con versos rosalianos para difundir a súa obra, pensamento e figura. Por outra banda, tamén se propón, nesas mesmas datas, servir o caldo que a autora describe no poema Miña casiña, meu lar co galo da iniciativa Caldo de Gloria da Fundación Rosalía de Castro. Así, os establecementos que participen recibirán tamén manteis de papel nos que se plasme ese mesmo poema. Todas as cafeterías, bares e restaurantes de Ames que queiran unirse a calquera das dúas iniciativas poden facelo enviando este formulario ao enderezo electrónico turismo@concellodeames.gal.

Ames, Brión e a Deputación da Coruña traballan nos actos de conmemoración do 550 aniversario da Batalla de Altamira

Esta semana tivo lugar unha reunión para concretar a axenda de actos que se levarán a cabo con motivo da conmemoración da Batalla de Altamira, con especial atención cara o ano 2021, cando se conmemoren os 550 anos deste acontecemento histórico. En dita reunión participaron en representación do Concello de Ames, Manuel Lens, concelleiro de Turismo, e Sonia Moure, técnica municipal de Turismo; Alberto Álvarez, técnico municipal de Turismo do Concello de Brión, e Xosé Luís Penas, deputado de Patrimonio Provincial en representación da Deputación da Coruña.

Ames, Brión, Dodro e Padrón programan unha saída da ruta “As Pegadas de Rosalía” para o sábado 14 de setembro

Os concellos de Ames, Brión, Dodro e Padrón programan para o sábado 14 de setembro unha saída pola ruta rosaliana que transcorre polos lugares máis emblemáticos da vida de Rosalía de Castro e o seu legado literario. Trátase dun itinerario que segue o trazado orixinal proposto por Avelino Abuín de Tembra na década dos noventa, actualizado polo presidente da Fundación Rosalía de Castro, Anxo Angueira, no ano 2017, e presentado na feira de turismo Fitur en colaboración con esta entidade, convertido nun proxecto turístico intermunicipal denominado “As Pegadas de Rosalía”, en xaneiro do ano 2018. As inscricións son gratuítas e deberán realizarse a través desta ligazón dende hoxe ata o martes 10 de setembro. As prazas serán adxudicadas por orde de rexistro e deberase seleccionar o punto de saída.

Eventos del departamento

>"Altamira Brilla": presentación do proxecto

A conmemoración da histórica Baralla de Altamira dará comezo o venres 10 de xuño coa presentación do proxecto e posta en valor das Torres de Altamira e as investigacións e os avances nos traballos para a elaboración do plan director das Torres de Altamira nunha sesión na que intervirá o arquitecto Mario Crecente. Será no Pazo da Peregrina, en Bertamiráns ás 20:00 horas.

>"Altamira Brilla": ruta histórica, representación e concertos

A festa histórica do val da Maía, que organizan os Concellos de Ames e Brión, xunto coa Deputación da Coruña, para conmemorar a histórica Batalla de Altamira, chega esta semana á súa segunda edición. Na xornada do sábado os participantes poderán gozar dunha ruta histórica, da representación teatral a cargo do grupo Os Quinquilláns e dos concertos de Caldo e de Grande Amore. Para participar nestas actividades é necesaria inscrición previa.

>Andaina polo Mar de Ovellas

O Concello de Ames, a través dos departamentos de Normalización Lingüística e Turismo, organizou para o domingo 7 de xuño unha andaina polo Mar de Ovellas. Esta actividade, incluída na programación de Rosalía 2026, estará teatralizada polos Quinquilláns e Lupe Blanco. A andaina rematará no local social de Trasmonte cunha pequena festa con música e degustación de petiscos. As persoas que queiran participar teñen que escribir un correo electrónico ao enderezo normalizacion@concellodeames.gal.

>Andaina “Rosalías da Vida” en conmemoración do 8M

Os concellos da Ruta Rosaliana (Ames, Brión, Dodro, Padrón e Santiago de Compostela) organizan para o Día Internacional da Muller a andaina “Rosalías da Vida” que terá unha distancia de 20 quilómetros. A saída será dende Lestrobe, en Dodro, ás 9.00 horas, e rematará as 18.00 horas coa chegada ao acto institucional que se realizará na praza do Obradoiro, en Santiago de Compostela. Os/as participantes de Ames uniranse á andaina en Padrón, na praza de Rodríguez Cobián, ás 9.30 horas. Haberá dous puntos de avituallamento, en Padrón e no Milladoiro. O obxectivo é conmemorar o 8M tendo presente a Rosalía de Castro, unha muller que marcou un antes e un despois na nosa historia.

>Batalla de Altamira

Despois de adiar varias actividades no mes de xuño debido á meteoroloxía adversa por choiva, volve “Altamira Brilla”, a festa histórica do Val da Maía, organizada polos Concellos de Ames e Brión, xunto coa Deputación da Coruña, para conmemorar a histórica Batalla de Altamira. O programa inclúe a representación teatral “A Batalla de Altamira”, a cargo do grupo Os Quinquilláns; a actuación dos grupos de pandeireteiras de Ames e Brión; e o concerto do grupo Carmela, que se van celebrar o domingo 21 de setembro en horario de mañá e tarde. Todas as actividades son de acceso libre ata completar aforo.

>Café con Verso e Caldo de Gloria

 O xoves 22 de febreiro desenvolverase unha nova edición das iniciativas “Caldo de Gloria” e “Café con verso” nos locais de hostalaría de Ames. Deste xeito, repartiranse nos locais de hostalaría unhas tarxetas con versos rosalianos para difundir a súa obra, pensamento e figura. A iniciativa Café con verso xurdiu no ano 2017 froito da colaboración entre o Concello de Ames e mailo poeta amesán Carlos Negro. Así mesmo, a hostalaría tamén servirá o caldo que a escritora describe no seu poema “Miña casiña, meu lar” de Follas Novas.

>Exposición: "A Casa de Galicia. 50 anos da Casa de Rosalía"

Ata o 2 de xuño, a Praza da Maía, en Bertamiráns, acolle a exposición "A Casa de Galicia. 50 anos da Casa de Rosalía", na que se repasa a historia deste museo e se lembra o fito que supuxo en pleno franquismo conseguir mercar, restaurar e musealizar esta casa grazas á colaboración de milleiros de persoas. A mostra está comisariada por Pepe Barro, tamén autor da museoloxía da Casa-Museo.

Esta exposición fai un repaso pola historia da Casa-Museo, que se abriu ao público o 15 de xullo de 1971, en pleno franquismo grazas, á implicación de milleiros de persoas e entidades de todo o país e da emigración. O Patronato Rosalía, creado en 1947, converteuse en refuxio do galeguismo, con actos como a Misa de Rosalía en Bonaval, que se constituíron como auténticos encontros de afirmación galeguista.

>Lugares Rosalianos: Pazo da Peregrina

O Concello de Ames, a través do departamento de Turismo, organizou para o sábado 20 de maio, ás 12.00 horas, unha visita ao Pazo da Peregrina de Bertamiráns, que se enmarca dentro do programa de visita aos Lugares Rosalianos que marcaron a vida e obra de Rosalía. Ditas visitas están teatralizadas polos Quinquilláns. Esta actividade enmárcase dentro do convenio asinado polos Concellos de Ames, Brión, Dodro e Padrón para promover a ruta As pegadas de Rosalía. Para participar hai que enviar un correo electrónico ao enderezo turismo@concellodeames.gal.

>Ruta "Pegadas de Rosalía"

O Concello de Ames programa para o sábado 14 de setembro unha saída pola ruta rosaliana que transcorre polos lugares máis emblemáticos da vida de Rosalía de Castro e o seu legado literario. Trátase dun itinerario que segue o trazado orixinal proposto por Avelino Abuín de Tembra na década dos noventa, actualizado polo presidente da Fundación Rosalía de Castro, Anxo Angueira, no ano 2017, e presentado na feira de turismo Fitur en colaboración con esta entidade, convertido nun proxecto turístico intermunicipal denominado “As Pegadas de Rosalía”, en xaneiro do ano 2018