Pestanas principais

Departamento de Secretaría e Administración Xeral

    • Enderezo: Praza do Concello, nº 2, Bertamiráns.
    • Teléfono: 981 88 30 02
    • Horario de atención ao público: de 9:00-14:00 horas.
    • Responsable municipal: Concellaría de Administración Xeral.
    • Responsable técnico: María Ofir Aboy García, técnica de secretaría.
    • Estrutura do servizo: Secretaría, Técnica de Secretaría, 3 Auxiliares Administrativos.
Outros Datos: 
  • Funcións:
    • Asesoría xurídica do Concello
    • Informar e asesorar sobre os asuntos plenarios. Conformación dos plenos e comisións, xuntas de goberno
    • Levantar acta das sesións dos órganos colexiados
    • Certificación dos actos ou resolucións da Presidencia e os acordos dos órganos colexiados decisorios, así como dos antecedentes, libros e documentos do Concello.
    • Remitir á Administración do Estado e á Comunidade Autónoma, nos prazos e formas determinados reglamentariamente, copia ou, no seu caso, extracto dos actos e acordos dos órganos decisorios da Corporación, tanto colexiados como unipersonais.
    • Levar e custodiar o Rexistro de Intereses dos membros da Corporación e o Inventario de Bens.
    • Acompañar ao Alcalde-Presidente ou membros da Corporación nos actos de sinatura de contratos ou escrituras.
    • Xestión da área de contratación. Realización do Plan de contratación semestral.
    • Xestión dos RRHH do Concello de Ames.
  • Bolsas de traballo
  • Procesos selectivos
  • Perosal Municipal
  • Novas relacionadas
  • Axenda.

Novas do departamento

O Concello de Ames anima á veciñanza a participar na enquisa sobre a Sede electrónica municipal

Premendo nesta ligazón podes participar na enquisa sobre a Sede electrónica municipal.  Moitos dos trámites administrativos débense facer a través deste apartado ao que se pode acceder dende a web municipal do Concello de Ames. Para saber o uso que a veciñanza fai deste servizo, e se está satisfeita con el, unha nova enquisa permite coñecer as opinións da veciñanza amesá. Ademais, déixase aberta a opción de facer algún comentario adicional ou algunha suxestión que axude a mellorar este portal. Habilitouse un banner no pé da páxina web que estará dispoñible de forma permanente para acceder á enquisa.

O Concello de Ames dá un paso máis no asentamento da Administración electrónica coa impartición da formación entre o persoal municipal

O Concello dá un paso máis no asentamento da Administración electrónica coa posta en marcha dunha nova plataforma que dará cabida ás actuais necesidades do municipio e habilitará novas canles de comunicación para os usuarios e usuarias. Un novo portal de acceso para o cidadán con múltiples procesos de xestión e unha carpeta cidadá onde cada veciño ou veciña poderá facer un seguimento dixital da súa solicitude, reclamación ou expediente, son algunhas das vantaxes que ofrece a nova plataforma. Este proxecto enmárcase dentro do Plan Impulsa Ames, cofinanciado pola Unión Europea, a través do FEDER no marco do Programa Operativo Plurirrexional de España 2014-2020.

O Concello de Ames decreta a suspensión de todas as actividades en instalacións municipais ata novo aviso pola situación sanitaria provocada polo COVID-19

O Comité de seguimento para o COVID-19 reuniuse esta mañá no salón de plenos da Casa do Concello, para acordar que se suspenden ata novo aviso todas as actividades que estaba previsto que se desenvolvesen en espazos e instalacións municipais debido á situación sanitaria provocada polo coronavirus. O alcalde vén de emitir un decreto e un bando municipal no que se informa das instalacións que pechan, as que permanecerán abertas, a suspensión de espectáculos públicos e actividades recreativas, así como da suspensión da prestación de diferentes servizos municipais. Ao pé desta nova podes descargar o decreto e mailo bando municipal, así como a cartelería elaborada polo Concello con información sobre os protocolos de actuación e de hixiene que é preciso levar a cabo diariamente.

O Concello de Ames dedica o POS+ 2023 a novos investimentos no rural, gastos de servizos sociais, a reducir a débeda e a gasto corrente

O Pleno aprobou por unanimidade este luns, 13 de febreiro, a participación do Concello de Ames no Plan provincial de cooperación ás obras e servizos de competencia municipal (Plan único de concello) “POS+ 2023” da Deputación provincial da Coruña. O Concello de Ames disporá de 968.925,34 euros, dos cales 857.688,62 euros (439.362,34€ da achega provincial 2023 e 418.326,28 euros da achega de 2022) son para novos investimentos; 100.000 euros, da Achega provincial 2023, destinarase ao financiamento de gastos correntes; e 11.236,72 euros para a redución de débeda con entidades financeiras. Dentro da partida de 419.359,07 euros, da achega de 2022, o Concello achega 1.032,79 euros. No Plan complementario de 2022 recóllese unha partida de 1.636.548.80 euros para investimentos financeiramente sostibles. Ademais dentro do POS+ Adicional 1/2023 contémplanse 157.314,02 euros para o financiamento de gastos sociais extraordinarios. En total o Concello de Ames recibirá 1.126.239,30 euros.

O Concello de Ames é o terceiro máis transparente de Galicia e o 117 de España

Segundo a avaliación feita por Dyntra, un portal de observación social da transparencia e da ética pública, o Concello de Ames é a terceira institución municipal máis transparente de Galicia e ocupa o posto 117 de España. O Concello conta con 92 dos 162 indicadores publicados, co que alcanza unha porcentaxe de transparencia do 56,79%, segundo o índice DAM (Dyntra Ayuntamientos y Municipios), que inclúe aos municipios de máis de 15.000 habitantes. A avaliación feita por Dyntra está dividida en 6 apartados, nos cales o Concello de Ames obtén a seguinte puntuación: Transparencia municipal, 62%; Participación e colaboración cidadá, 48%; Transparencia económico – financeira, 52%; Contratación de servizos 62%; Urbanismo e obras públicas 60 %; e Open Data, 0%.

O Concello de Ames habilita o teletraballo para 60 traballadores/as municipais

Co obxectivo de seguir avanzando na tramitación de expedientes e frear o mínimo posible a actividade administrativa, o Concello de Ames habilitou durante o estado de alarma o teletraballo para 60 traballadores/as municipais. Este foise configurando en tres tandas: unha primeira de 35 traballadores/as o día 18 de marzo, catro días despois de decretarse o estado de alarma; unha segunda de 14, o día 20 de marzo; e unha terceira de 9, o día 23 de marzo. Unha medida que permite cubrir prácticamente o 100% das necesidades de postos que poden desenvolver teletraballo.

O Concello de Ames informa das normas que deben cumprir as nenas/os e adultos nas saídas á rúa dos menores de 14 anos

O Concello de Ames informa de que o Goberno do Estado permite, dende este domingo 26 de abril, a saída á rúa dos nenos e as nenas menores de 14 anos de forma controlada. Tanto nenas/os coma adultos deberán cumprir unha serie de normas e restricións. Lémbrase que os parques infantís e as áreas deportivas permanecerán pechados.

O Concello de Ames informa sobre as condicións para a apertura ao público de determinados comercios e a utilización de máscaras nos distintos medios de transporte

O Boletín Oficial do Estado publica hoxe domingo, 3 de maio, a Orde que establece as condicións para a apertura ao público de determinados comercios e servizos, e a apertura de arquivos, así como para a práctica do deporte profesional e federado. Ademais, publicouse outra Orde na que se ditan instrucións sobre a utilización de máscaras nos distintos medios de transporte e fíxanse requisitos para garantir unha mobilidade segura de conformidade co plan para a transición cara a unha nova normalidade. Dende o Concello de Ames lémbrase que a Galicia está inmersa na fase 0 do proceso de desescalada anunciado polo Goberno do Estado.

O Concello de Ames informa sobre as novas medidas do Goberno do Estado para facer fronte á pandemia do COVID

O Consello de Ministros de España aprobou este domingo, 29 de marzo de 2020, o Real Decreto-lei 10/2020, polo que se regula un permiso retribuído recuperable para as persoas traballadoras por conta allea que non presten servizos esenciais, co fin de reducir a mobilidade da cidadanía no contexto da loita contra o COVID-19.

O Concello de Ames informa sobre o uso obrigatorio de máscara durante a situación de crise sanitaria ocasionada pola COVID-19

Este mércores, 20 de maio de 2020, o Goberno do Estado publicou a Orde SND/422/2020, do 19 de maio, pola que se regulan as condicións para o uso obrigatorio de máscara durante a situación de crise sanitaria ocasionada pola COVID-19. A partir de mañá, 21 de maio de 2020, será obrigatorio uso de calquera tipo de máscara, preferentemente hixiénicas e cirúrxicas, para todas as persoas de seis anos en diante, que cubra nariz e boca, observándose en todo caso, as indicacións das autoridades sanitarias acerca do seu uso. Quedan excluídas desta obrigación aquelas persoas que presenten algún tipo de dificultade respiratoria, que poida verse agravada pola utilización da máscara, e a aquelas cuxo uso se atope contraindicado por motivos de saúde ou discapacidade. Recoméndase o uso nos/as nenos/as de 3 a 5 anos.

Eventos del departamento

> Pleno ordinario xullo 2023

Este xoves, día 27, o Concello de Ames celebrará o pleno ordinario correspondente ao mes de xullo.

Pleno de investidura

Este sábado, 15 de xuño, celébrase o primeiro pleno do mandato 2019-2023 no que se desenvolverá o acto de investidura. O pleno de constitución da nova Corporación desenvolverase dende as 12:00 horas no auditorio da Casa da Cultura de Bertamiráns. Os concelleiros e concelleiras prometerán o seu cargo e será elixido o alcalde. Os 21 concelleiros/as terán que facer unha votación nominal na que cada edil terá que votar por algún dos candidatos á Alcaldía.

Xuntanza de Portavoces

A Casa do Concello acolle a xuntanza de portavoces a partir das 14.00h este xoves, 11 de xullo.