- Enderezo: Alcalde Lorenzo, nº 2, Bertamiráns.
- Teléfono: 680 29 72 35
- mobilidade@concellodeames.gal
- Horario de atención ao público:
- De luns a venres, en horario das 9:00 ás 14:00 horas.
- Responsable municipal: Concellaría de Mobilidade
Pestanas principais
Departamento de Mobilidade
Servizos e programas
O Concello de Ames, a través da Concellaría de Mobilidade vén de lanzar a campaña informativa sobre a redución da velocidade no interior dos núcleos urbanos de Bertamiráns e do Milladoiro. Baixo o lema “A 30 Ames é máis” preténdese que o concello sexa máis amable, máis divertido, máis saudable e máis noso... Trátase dunha campaña de sensibilización sobre a importancia da velocidade a 30 km/h no interior das zonas urbanas de Ames. Para difundir dita campaña entre a veciñanza elaboráronse carteis, folletos informativos e unhas chapas con refráns e mensaxes motivadoras.
O PMUS pretende sentar as bases dunha nova cultura onde o peón se converta no principal protagonista e se relegue o uso do transporte privado. Este plan concrétase en doce programas de actuación que se van desenvolver entre o 2022 e o 2029. O Plan de Mobilidade Urbana Sostible está cofinanciado polo Fondo Europeo de Desenvolvemento Rexional (FEDER) no marco do Programa Operativo Plurirrexional de España 2014-2020.
Novas do departamento
40 nenos e nenas achegáronse o sábado, 12 de xuño, ao Aparcadoiro da Rúa Palmeiras en Milladoiro ás 17:00 horas. Co motivo da celebración do Día da Seguridade Viaria, o Concello de Ames organizou unha xornada cunha serie de actividades infantís.
O Concello de Ames, a través da Concellaría de Mobilidade, organizou unha programación específica para conmemorar a II Semana Europea da Mobilidade. Dita programación comeza coa conferencia `Querémoste segura/o ́, a través da cal se pretende abordar as preocupacións sobre seguridade viaria e mobilidade no concello que inquietan ás persoas maiores. O evento terá lugar no local social do Club de Xubilados do Milladoiro mañá, xoves 17 de setembro, ás 18:30 horas.
O Concello de Ames está traballando na redacción do Plan de Mobilidade Urbana Sostible (PMUS). Este servizo foi adxudicado á empresa IPLAN Movilidad SL por un importe de 58.499,87 euros. Esta semana comezan os traballos de campo para a redacción de dito plan. Estes traballos consistirán na realización dunhas 300 enquisas a usuarios/as do transporte público. Tamén se contabilizará o número de vehículos naquelas zonas do concello con maior volume de tráfico. Isto farase mediante a instalación de distintos tipos de aforos (con cámara e tubos pneumáticos). Dito documento servirá de guía para levar a cabo actuacións en materia de mellora do espazo público, medio ambiente, mobilidade e accesibilidade a realizar no futuro no municipio amesán. O contrato forma parte do programa de mellora integral da mobilidade e a conectividade por transporte público, recollido na EDUSI Impulsa Ames.
Concello e gandeiros chegan a un acordo para a limitación dos vehículos agrícolas na Améndoa Central
Concello e gandeiros chegan a un acordo para a limitación de vehículos agrícolas na Améndoa Central. Esta xuntanza mantívose hoxe no salón de Plenos da Casa do Concello de Ames entre o alcalde, Blas García, o concelleiro de Urbanismo, Víctor Fernández, a Policía Local e gandeiros afectados. O acordo acadado manterá as restricións na Améndoa Central, aínda que contemplará excepcións para aqueles profesionais que carezan de alternativa de paso. Preme nesta ligazón para descargar a proposta de acordo.
O Concello de Ames, a través da Concellaría de Mobilidade, vén de publicar a campaña “O bus que me leva!”, para informar dos horarios e liñas do transporte metropolitano que pasa polo municipio amesán. A través desta campaña elaborouse un mapa coas liñas de autobús que pasan por Ames. Ao mesmo tempo, localizáronse e sinalizáronse todas as marquesiñas e paradas de bus, onde se colocaron os horarios e frecuencias que pasan por cada unha das paradas. Toda esta información pódese atopar no apartado de Transporte da web municipal. O obxectivo é ofrecerlle á veciñanza unha información precisa e útil. Estes horarios estarán colocados de xeito provisional durante un mes coa finalidade de detectar posibles erros. Unha vez pasado dito período colocarase a información definitiva.
Dende a Concellaría de Mobilidade infórmase que a Policía Local de Ames, en colaboración coa Garda Civil do Milladoiro, continúa realizando controis de seguimento da restrición de paso dos vehículos pesados, con MMA maior a 30 toneladas, pola N-550 ao seu paso pola avenida de Rosalía de Castro, no Milladoiro. Ditos controis, que se retomaron a comezos do paso mes de decembro, estanse realizando co obxectivo de lembrarlle aos condutores que deben de respectar a prohibición de circular polo núcleo urbano e deben desviarse dende a SC-20 (á altura da gasolineira) cara a autoestrada AG-56 e polo corredor AC-522, ata a glorieta das Galanas, situada na N-550. Durante as últimas semanas houbo varias denuncias de condutores que infrinxiron a norma.
O Concello de Ames, a través da Concellaría de Mobilidade, informa de que este sábado 30 e o domingo 31 de maio vólvese a cortar o tráfico en varias rúas de Bertamiráns e do Milladoiro co obxectivo de favorecer a mobilidade das persoas e poder manter así as distancias de seguridade. Esta medida, coa que se pretende que a veciñanza de Ames merque no comercio miúdo local, desenvolverase dende o sábado, ás 16:00 horas, ata o domingo, ás 23:00 horas. Nas rúas que se corta o tráfico, os vehículos poderán igualmente entrar e saír dos garaxes. Esta iniciativa realizarase durante todas as fin de semanas do mes de xuño.
Por sexto ano consecutivo, o Concello de Ames sumouse á posta en marcha de diversas actividades co gallo da celebración da Semana Europea da Mobilidade. Trátase de propostas a prol da mobilidade activa, do transporte público e doutros medios limpos e intelixentes, nesta edición baixo o lema “Espazo Público Compartido”. As dinámicas terán lugar os días 20, 21 e 22 de setembro. As persoas interesadas en anotarse aínda poden facelo escribindo ao enderezo mobilidade@concellodeames.gal. O programa inclúe unha andaina, xogos, música e unha marcha ciclista. Por mor da celebración destas xornadas, o sábado 21 quedará prohibido o estacionamento no aparcadoiro de Agriños, no Milladoiro, en horario de 14:30 a 20:30 horas; e no aparcadoiro da Casa da Cultura do Milladoiro, de 19:00 a 00:00 horas. Podes consultar os bandos informativos premendo nesta ligazón.
Por quinto ano consecutivo, o Concello de Ames sumouse á posta en marcha de diversas actividades co gallo da celebración da Semana Europea da Mobilidade. Trátase de propostas a prol da mobilidade activa, do transporte público e doutros medios limpos e intelixentes, nesta edición baixo o lema “Combina e móvete!”. As dinámicas, que tiveron que ser adiadas por mor da previsión meteorolóxica, celebraranse finalmente os días 22, 23 e 24 de setembro. As persoas interesadas en anotarse aínda poden facelo escribindo ao enderezo mobilidade@concellodeames.gal. Por mor da celebración destas xornadas, o sábado 23 quedará prohibido o estacionamento no aparcadoiro de Agriños, no Milladoiro, en horario de 14:30 a 20:30 horas. Podes consultar o bando informativo premendo nesta ligazón.
Un ano máis, o Concello de Ames celebrou a Semana Europea da Mobilidade, que nesta ocasión se desenvolveu na fin de semana do 19 ao 21 de setembro cunha serie de actividades para fomentar a mobilidade activa, o uso do transporte público e outros medios sostibles. Na xornada do venres, tivo lugar a marcha ciclista nocturna, unha actividade que reuniu a máis de 400 persoas na localidade de Bertamiráns. O sábado desenvolveuse un circuíto de educación viaria e xogos en bicicleta para os máis pequenos, que viu condicionada a súa participación pola situación meteorolóxica da xornada. Xa no derradeiro día da programación, o domingo día 21, celebrouse a primeira edición da Ames Gravel Social Ride, organizada polo Club ciclista Ames e que contou cunha participación de 49 ciclistas.
- ‹ anterior
- 4 de 11
- seguinte ›
Eventos del departamento
Amarcha nocturna sairá ás 22:00 horas da Praza do Concello. Serán 8 km con boa iluminación e un traxecto sinxelo pensado para que poida participar toda a familia. É necesario inscribirse previamente enviando un correo electrónico ao enderezo mobilidade@concellodeames.gal.
Desenvolverase na Praza de Chavián en Bertamiráns e é unha actividade destinada aos rapaces e rapazas de máis de 10 anos.
Dentro da "Semana Europea da Mobilidade", o Concello de Ames organiza o venres 20 de setembro a VI Marcha Ciclista Nocturna. Farase un percorrido con boa iluminación e fácil percorrido, pensado para que nela poida participar toda a familia. A marcha sairá da Praza do Concello, en Bertamiráns.
Por oitavo ano consecutivo, o Concello de Ames acollerá a Semana Europea da Mobilidade, unha iniciativa que busca a mobilidade urbana sostible nas cidades e vilas europeas. O programa dará comezo o vindeiro venres, 25 de setembro, coa xa tradicional marcha ciclista nocturna, que dará comezo a partir das 21.30 horas.
Por oitavo ano consecutivo, o Concello de Ames acollerá a Semana Europea da Mobilidade, unha iniciativa que busca a mobilidade urbana sostible nas cidades e vilas europeas. O programa dará comezo o vindeiro venres, 25 de setembro, coa xa tradicional marcha ciclista nocturna, que dará comezo a partir das 21.30 horas.
- ‹ anterior
- 3 de 3