BeOne, a empresa que xestiona o Centro deportivo municipal de A Telleira, situado en Bertamiráns, vén de lanzar a iniciativa "Quilómetros Solidarios". Esta iniciativa forma parte do Plan Vive BeOne, que ao longo deste ano 2023 mobilizou a miles de socios e socias nas súas cinco actividades. O centro que acumule a maior cantidade de quilómetros ao finalizar a competición terá a oportunidade de doar 3.000 euros a unha ONG local. No caso da instalación de A Telleira sería para a campaña Zocos e Trasnos, que organiza o Concello de Ames. As datas para correr serán do 19 ao 21 de decembro.

A Escola Ames Xadrez disputou o pasado sábado 14 de maio o campionato provincial de xadrez Xogade nas categorías sub10, sub12 e sub14. No torneo, que se desenvolveu en Noia, enfrontáronse todos os campións intercomarcais das zonas de Ferrol, A Coruña, Santiago e Barbanza e a Costa da Morte. O club amesán conseguiu a vitoria nas categorías sub10 e sub12, e rematou no podio na sub14 ao perder na última rolda.

A escola amesá de karate Dokkodo inicia a partir do mes de setembro unha nova tempada deportiva con xornadas de portas abertas, que se desenvolverán na localidade de Bertamiráns de luns a xoves. Os participantes poderán probar a práctica do karate sen necesidade de contar con experiencia previa. Para máis información e inscricións pódese premer nesta ligazón.

Esta pasada fin de semana celebrouse en O Barco de Valdeorras o Campionato Galego Infantil, organizado pola Federación Galega de Karate. Nesta cita, a escola amesá Dokkodo presentouse con seis deportistas que conseguiron volver a casa con sete medallas.