[04-12-2018] O Concello de Ames, a través do departamento de Persoal, fai público o anuncio co resultado da baremación do proceso selectivo para a creación dunha bolsa de traballo de administrativo do Concello de Ames, e a data fixada para a realización do exame de galego deste proceso, que se realizará o vindeiro 10 de decembro de 2018. Premendo no enlace que está a túa dereita, baixo o apartado de descargas, poderás obter dito anuncio.

[04-12-2018] A Aula de Informática do Milladoiro informa de que aínda quedan prazas dispoñibles para o obradoiro “Un conto de Nadal: elaboración de presentacións con Impress”, que se desenvolverá os días 26, 27 e 28 de decembro, en horario de 11:00h a 12:30 horas. Esta actividade está dirixida a nenas e nenos de 9 a 12 anos. As inscrición poderanse facer en horario de Aula Aberta, de luns a xoves de 16:00h a 20:00 horas, e os venres de 9:30h a 13:30 horas; ou enviando un correo electrónico ao enderezo informatica.milladoiro@concellodeames.gal, no que deberá enviarse cuberta e asinada a solicitude de inscrición que se pode obter premendo a túa dereita, baixo o apartado de descargas. Calquera persoa que desexe máis información pode obtela directamente na Aula de Informática da Casa da Cultura do Milladoiro, enviando un correo ao anterior enderezo ou chamando ao teléfono 981 535 940.

[04-12-2018] O Concello de Ames informa que en conformidade co previsto no artigo 133 da Lei 39/2015 de 1 de outubro, do procedemento administrativo común das Administracións Públicas (LPAC), e co obxectivo de contar coa participación da cidadanía no procedemento de elaboración da ordenanza municipal de Convivencia Cidadá procedese a efectuar, en cumprimento de decreto da Alcaldía 2744/2018, unha consulta pública a través da web municipal, co fin de recadar a opinión das persoas e das organizacións mais representativas, potencialmente afectados pola ordenanza que se pretende aprobar. Hai un prazo para elo de 20 días hábiles a contar dende o 5 de decembro de 2018 e ata o día 7 de xaneiro de 2019, ambos inclusive. A forma de participación é a través da dirección electrónica ana.ameijeiras@concellodeames.gal. Premendo no enlace que está a túa dereita, baixo o apartado de descargas, poderás obter o anuncio de dita consulta pública.

[04-12-2018] O Concello de Ames informa que en conformidade co previsto no artigo 133 da Lei 39/2015 de 1 de outubro, do procedemento administrativo común das Administracións Públicas (LPAC), e co obxectivo de contar coa participación da cidadanía no procedemento de elaboración da ordenanza municipal para o benestar animal procedese a efectuar, en cumprimento de decreto da Alcaldía 2725/2018, unha consulta pública a través da web municipal, co fin de recadar a opinión das persoas e das organizacións mais representativas, potencialmente afectados pola ordenanza que se pretende aprobar. Hai un prazo para elo de 20 días hábiles a contar dende o 5 de decembro de 2018 e ata o día 7 de xaneiro de 2019, ambos inclusive. A forma de participación é a través da dirección electrónica ana.ameijeiras@concellodeames.gal. Premendo no enlace que está a túa dereita, baixo o apartado de descargas, poderás obter o anuncio de dita consulta pública.