O Ministerio de Transportes e Mobilidade Sostible continúa avanzando coa execución das obras de mellora da mobilidade sostible da coñecida como travesía do Milladoiro, entre os quilómetros 67 e 68,6 da estrada N-550, no concello de Ames, dentro da área metropolitana de Santiago de Compostela (provincia da Coruña). A actuación conta cun orzamento de 4,7 millóns de euros (IVE incluído), financiados cos fondos europeos do Plan de Recuperación, Transformación e Resiliencia (PRTR).

A Xunta de Goberno Local vén de aprobar o expediente de licitación das obras de pavimentación dos viarios da aldea de Barreiro, na parroquia de Bugallido. O orzamento base de licitación ascende a 174.758,04 euros. Este proxecto, que se sufraga con cargo ao POS+ 2025, enmárcanse dentro do plan de arranxo e mellora das vías e camiños municipais. Esta é unha das cinco actuacións que o Concello de Ames sufragará a través da Achega provincial de 2024 do POS+ 2025 que está dotada de 747.709,95 euros.

No pleno ordinario de outubro a Corporación municipal aprobou o suplemento de crédito 3/2025, por valor de 3.163.636 euros, financiado con remanente de tesourería para gastos xerais; a ordenanza fiscal reguladora da taxa polo servizo de recollida, transporte e tratamento de residuos; o POS+ Adicional 4/2025; a autorización do incremento da cantidade global destinada á asignación de gratificacións, horas extras e horas complementarias no orzamento para o exercicio 2025; a revisión dos prezos do contrato de concesión da xestión e mantemento do centro deportivo municipal A Telleira para o exercicio 2026; e a aprobación inicial da modificación da ordenanza reguladora do prezo público pola utilización do centro deportivo municipal A Telleira. Ademais, aprobouse por unanimidade unha declaración institucional sobre o 25N e dúas mocións políticas do grupo municipal popular para a mellora da seguridade viaria na DP-0206 e sobre os vertidos no río Sar provocados polas obras de construción da nova depuradora de aguas residuais de A Silvouta. Podes ver a gravación do pleno na canle de Youtube do Concello de Ames.

A pasada fin de semana do 25 e 26 de outubro, a cidade de Ourense acolleu a sexta xornada da Liga Nacional de Karate na que participaron máis de mil deportistas de todo o país. Nesta ocasión, a Escola de Karate Dokkodo estivo representada por seis dos seus deportistas, contando coa participación de Tiago Blanco, Xián Blanco, Mateo Quintás, Jadel Rodríguez, Vera Quintás e Martina Barreiro.