A atleta amesá María Estévez vén de acadar unha valiosa quinta posición na proba dos 1.500 metros do Campionato de España Short Track sub20, celebrado a pasada fin de semana do 20 ao 22 de marzo na cidade catalá de Sabadell. Esta competición foi a derradeira da tempada de Short Track, a denominación que se lle dá ás probas en pistas de 200 metros no canto dos 400 metros habituais. Este ano, Estévez xa gañara o ouro no Campionato de España de campo a través coa selección galega sub20, e logrou o subcampioa no Campionato Galego de Campo a través Sub-20.

O Concello de Ames informa sobre a apertura da convocatoria de axudas para a promoción de actividades levadas a cabo no exercicio 2025 polos clubs e asociacións deportivas de Ames. A contía destinada a esta convocatoria ascende nesta anualidade aos 80.000 euros. O prazo de presentación de solicitudes é de 30 días naturais desde a publicación das bases no Boletín Oficial da Provincia (BOP), que tivo lugar o 11 de marzo; polo que estará aberto ata o vindeiro sábado 10 de abril. Pódese consultar as bases da convocatoria na seguinte ligazón.

O alcalde de Ames, Blas García, e a concelleira de Deportes, Susana Señorís, presentaron esta mañá o logotipo do Campionato do Mundo IAU de 100 km, que se celebrará no municipio o 20 de setembro de 2026. Trátase da proba máis relevante do atletismo internacional de ultrafondo (International Association of Ultrarunners), que se ven celebrando dende o ano 1987 e que este ano se vai a celebrar no circuíto de 10 quilómetros de Sisalde, que está homologado pola Real Federación Española de Atletismo. Este evento deportivo suporá un impulso a nivel turístico para Ames, xa que está previsto que participen arredor de 600 atletas, ademais dos seis equipos, xuíces e xuízas técnicos, etc. 

O karateka da Escola de Karate Dokkodo participou esta fin de semana en Ciudad Real na cuarta xornada da Liga Nacional de Karate, unha das competicións máis esixentes do calendario estatal. A cita supuxo ademais o seu debut na categoría júnior, un salto competitivo importante nunha división marcada por un maior nivel, intensidade e ritmo de combate.