O curso terá unha duración de 16 horas, repartidas da seguinte maneira: o venres 24 desenvolverase de 16:00 a 20:00 horas, o sábado 25 de 10:00 a 14:00 e de 16:00 a 20:00 horas, e o domingo 26 de 10:00 a 14:00 horas.

A encargada de impartir a formación será Isabel Fernández Domínguez, da Asociación para la Interpretación del Patrimonio. Fernández Domínguez é consultora e formadora especializada en interpretación do patrimonio, turismo sostible, comunicación accesible e educación ambiental. Conta cunha experiencia de máis de 20 anos en proxectos relacionados coa difusión e a interpretación do patrimonio, a accesibilidade, o turismo sostible e o uso público en espazos naturais protexidos. Actualmente, ademais, é titora e profesora do Programa Formativo de Guías de la Red de Parques Nacionales en España.

As persoas interesadas en participar no curso deben inscribirse previamente, enviando a ficha de inscrición que se pode atopar premendo nesta ligazón ao enderezo electrónico auladanatureza@concellodeames.gal.

Actividades de Aula da Natureza para o mes de marzo
A Aula da Natureza ten en marcha outras dúas actividades durante a mesma fin de semana. O sábado 24 e o domingo 25 impartiranse novas sesións do obradoiro de cestería impartido por Julia da Cal, da Parabólica, no que os participantes terán a oportunidade de elaborar un cesto de vimbio con asa. Ofértanse dez prazas. Os horarios son os seguintes: sábado de 11:00 a 13:30 e de 16:00 a 19:00 horas, e domingo de 11:00 a 13:30 horas. O taller celebrarase nas instalacións da Aula da Natureza.

Por outra banda, o sábado 25 está tamén prevista, en horario de 11:00 a 13:00 horas, unha ruta por Riamontes. O roteiro está pensado para a rapazada de entre 6 e 14 anos. Trátase dun percorrido circular de sete quilómetros de distancia e de dificultade media, que permite coñecer o conxunto etnográfico dos muíños de Riamontes. Haberá servizo de autobús, con saída do Milladoiro (Casa da Cultura) ás 10:30 horas, e de Bertamiráns (Pazo da Peregrina) ás 10:45 horas. A volta farase arredor das 13:45 a Bertamiráns e ás 14:00 ao Milladoiro.

Novamente, os interesados en inscribirse deben enviar a ficha debidamente cumprimentada ao enderezo auladanatureza@concellodeames.gal. Para máis información sobre as actividades pódese escribir a ese mesmo correo electrónico ou chamar ao número de teléfono 660 004 665.

O programa ao completo da Aula da Natureza para o primeiro semestre do ano pódese consultar premendo nesta ligazón.

Novas relacionadas:

El Correo Gallego: "A Aula da Natureza amiense poñerá en marcha un curso de interpretación do patrimonio"