[22-03-2017] O goberno municipal convida e anima a toda a veciñanza amesá a que acuda ao pleno de debate sobre o estado do Concello de Ames, que se vai celbrar este xoves 23 de marzo, ás 20:30 horas, no auditorio da Casa da Cultura do Milladoiro. Este pleno realízase no centro sociocultural desta localidade co obxectivo de dispor de máis espazo e dar cabida a todos os veciños e veciñas que queiran acudir a esta sesión plenaria. Así, o goberno municipal tamén dá cumprimento a un dos compromisos adquiridos de celebrar plenos nas Casas da Cultura de Bertamiráns e do Milladoiro nos que se traten temas de gran interese para a cidadanía de Ames.