[11-06-2014] O Concello de Ames informa de que xa está exposta a lista provisional de admitidos e excluídos no programa Xuño Lúdico. Premendo no enlace que está a túa dereita, baixo o apartado de descargas, poderás consultar esta lista. Debido a Lei de Protección de Datos non se poden publicar datos de carácter persoal nesta lista, pero pódese comprobar se un rapaz ou rapaza está admitido/a a través do número de rexistro que figura nesta lista e na copia do impreso de inscrición de cada usuario/a. Esta lista tamén se pode consultar nas oficinas do departamento de Educación, situadas no Pazo da Peregrina, nas portas de entrada da Casa do Concello e nas oficinas municipais do Milladoiro. As persoas que desexen presentar algunha reclamación teñen de prazo ata o 19 de xuño de 2014.
No caso de que a lista de admitidos definitiva supere o límite de prazas decretadas para este programa, o venres 20 de xuño, procederase ao sorteo das mesmas. A continuación do sorteo confeccionarase a listaxe definitiva e será exposta na Oficina Municipal do Milladoiro, no departamento de Educación en Bertamiráns e na páxina web do concello (www.concellodeames.org). O Xuño Lúdico desenvolveranse durante os días 23, 25, 26, 27 e 30 de xuño, dende as 07:30 h ata as 16:00 horas.