[17-11-2011] A Oficina de Voluntariado de Ames desenvolve un programa de apoio escolar e actividades complementarias para nenos e nenas en risco de exclusión social. Para levar a cabo este proxecto é fundamental a colaboración de dúas voluntarias. Este servizo ofrécese na Casa da Cultura de Bertamiráns dous días á semana, os martes e os xoves, en horario de 16:30 h a 18:00 horas. O programa está dirixido a nenos e nenas de 4 a 12 anos. Onte pola tarde tivo lugar a xornada de presentación á que acudiron tanto pais/nais coma os propios alumnos/as. Este servizo desenvolverase ata o mes de xuño.
O Concello de Ames, a través da A Oficina de Voluntariado de Ames (OVA) dependente da Concellaría de Deportes, Tempo Libre e Voluntariado pon en marcha unha nova edición do proxecto de apoio escolar e actividades complementarias para menores en risco de exclusión social. O proxecto está destinado a nenos e nenas en idades comprendidas entre os 4 e os 12 anos que teñan algunha problemática social ou familiar asociada que repercuta no seu atraso escolar. Os nenos/as que participan neste programa están derivados dos servizos sociais municipais.
Este proxecto, ademais de incluír o apoio escolar, tamén pretende ensinar aos nenos e ás nenas a empregar o seu tempo de lecer dunha maneira máis proveitosa. Neste momento o proxecto desenvólvese na Casa da Cultura de Bertamiráns dous días á semana. En principio decidiuse que esta actividade se desenvolva os martes e xoves, en horario de 16:30 h a 18:00 horas, pero este horario non é definitivo porque vaise consultar con pais e nais que dispoñibilidade teñen os rapaces e rapazas para poder acudir ás clases de apoio escolar. En función das opinións dos pais e nais establecerase o horario definitivo do programa.
Onte realizouse a xornada de presentación á que acudiron os pais/nais acompañados dos seus fillos/as. A través deste programa dúas voluntarias axudaranlle aos nenos/as a facer as diferentes tarefas que lle encomendan no colexio. Trátase dun programa de reforzo escolar. Este servizo desenvolverase dende de novembro ata o mes de xuño.
