Avisos
Martes, 4 junio, 2024
O Concello de Ames, a través da Concellaría de Educación, informa da publicación no Boletín Oficial da Provincia (BOP) da convocatoria de axudas para a adquisición de libros de texto e material escolar destinadas ao alumnado do segundo ciclo de educación infantil (curso 2023-2024). O prazo de presentación de solicitudes empezou o 31 de maio, e remata o 1 de xullo de 2024 (30 días naturais a contar desde o día seguinte ao anuncio de convocatoria no BOP). A contía máxima destinada a esta convocatoria ascende a 7.500 euros, sendo de 120 euros o importe máximo concedido por cada nena ou neno. Premendo nas ligazóns que están ao pé deste aviso poderás consultar as bases desta convocatoria de axudas e imprimir o impreso de solicitude.
Martes, 4 junio, 2024
O Concello de Ames, a través do departamento de Persoal, fai público os anuncios de nomeamento de asesora colaboradora para a proba de galego dos procesos selectivos dunha praza de oficial de obras e servizos básicos e dunha praza de conserxe de centros de ensino. Trátase de prazas por concurso-oposición do art. 2.1 da lei 20/2021 incluídas na oferta extraordinaria de emprego público de 2022 (estabilización). Previamente publicáronse os anuncios publicados no BOP de catro procesos selectivos para cubrir as prazas de estabilización de emprego temporal incluídas na oferta de emprego público de 2022 por concurso-oposición.
Martes, 4 junio, 2024
O Concello de Ames, a través do departamento de Persoal, fai público os anuncios de contratación laboral dun/dunha peón e capataz para a brigada de prevención de lumes forestais do Concello de Ames (APROL Rural). Previamente publicáronse as bases de ditos procesos selectivos.
Lunes, 3 junio, 2024
O Concello de Ames, a través do departamento de Educación, informa sobre o anuncio de revogación do resolvo terceiro do Decreto 933/2024 polo que se aproban as prazas de prescrición e emerxencia social dos servizos complementarios de educación para o curso 2024/2025.
Lunes, 3 junio, 2024
O Concello de Ames, a través da Concellaría de Educación, informa da publicación das listaxes de solicitudes presentadas de novos/as usuarios/as nos servizos complementarios de educación (Bos Días Cole, Tardes Divertidas e Comedores Escolares) para o curso 2024-2025. O prazo de emendas ou reclamacións é de 10 días hábiles, do 4 ao 17 de xuño de 2024. Unha vez finalizado dito prazo publicaranse as listas de admitidos/as nos servizos e informarase do prazo de matricula.
Viernes, 31 mayo, 2024
Premendo nas ligazóns que están ao pé deste aviso pódense obter os menús da Rede de Comedores Escolares (almorzos, xantares e merendas). Estes menús foron elaborados pola nutricionista municipal do Concello de Ames.
Viernes, 31 mayo, 2024
O Concello de Ames, a través da Concellaría de Educación, informa sobre a publicación das listaxes definitivas de admitidos/as e de agarda das escolas infantís municipais A Madalena e O Bosque para o curso escolar 2024-2025. O prazo de matrícula abrangue do 1 ao 17 de xuño.
Viernes, 31 mayo, 2024
O departamento de Educación do Concello de Ames fai públicas as listaxes provisionais de nenas e nenos admitidas e excluídas do programa de conciliación Xuño Lúdico 2024, para o CEP Ventín e o CEIP A Maía.
Cortes programados no subministro de rede eléctrica o día 7 de xuño en varias parroquias do concello
Viernes, 31 mayo, 2024
A empresa subministradora Naturgy notificoulle ao Concello de Ames de varias interrupcións programadas do subministro eléctrico durante o 7 de en varias parroquias do concello, co fin de realizar tarefas de mantemento e desenvolvemento da súa rede eléctrica. Así, quedarán fóra de servizo unha serie de instalacións que poden provocar interrupcións no subministro eléctrico nas rúas ou lugares descritos a continuación. Para aclaracións, contactar coa empresa no teléfono 900 333 999.
Viernes, 31 mayo, 2024
Premendo na ligazón que está ao pé deste aviso pódese obter o menú das escolas infantís municipais de Ames para esta semana. Este menú foi elaborado pola nutricionista municipal do Concello de Ames.
- ‹ anterior
- 73 de 182
- siguiente ›