A Concellería de Deportes e Promoción da Saúde, a través do programa Ames Saudable, organiza un obradoiro de xestión emocional a través da técnica “Mindfulness”. Esta actividade, dirixida a persoas maiores de 18 anos, desenvolverase ao longo de 8 sesións de 1 hora 45 minutos de duración que comezarán o martes 16 de xaneiro. O obradoiro estará impartido polo psicólogo e instrutor da técnica, Juan Carlos Permuy, e terá lugar os martes 16:30 a 18:15 horas no Pazo da Peregrina de Bertamiráns. Esta maña realizouse o sorteo para determinar as 15 persoas que obteñen praza para dito obradoiro. Ao pé deste aviso podes consultar o documento co resultado do sorteo.

Xa está aberto o prazo de inscrición nas clases de ioga terapéutico que organiza a Concellería de Promoción da Saúde. Poderaste anotar ata o xoves 12 de outubro ás 14.00 horas, cubrindo o formulario de inscrición. Esta actividade impartirase no Milladoiro e Bertamiráns.

A Concellaría de Benestar Social e Promoción da Saúde informa da listaxe de persoas admitidas no obradoiro de xestión emocional a través da técnica “Mindfulness”. O obradoiro conta con 15 prazas. Debido a que houbo máis inscrición que prazas ofertadas houbo que realizar un sorteo. Publícanse dous documento: un no que se reflicten as 15 persoas admitidas e outro no que están ao comezo de documento as persoas admitidas e despois as persoas que quedan en lista de agarda.

Con motivo do Día mundial da Saúde, que se celebra todos os anos o 7 de abril, a Concellaría de Promoción da Saúde preparou unha programación específica para celebrar o Mes da Saúde en Ames. Do 19 ao 22 de abril haberá diversas actividades no interior do Pazo da Peregrina ou nos xardíns do Pazo impartidas por diferentes asociacións e polo propio Concello. A programación pecharase o sábado, 23 de abril, coa II Feira da Saúde e Ben-Estar de Ames e coa primeira xornada sobre saúde mental infanto-xuvenil de Ames, Coidados á mente. Tamén o sábado 23 na Casa da Cultura de Bertamiráns haberá un Xantar solidario.