Este sábado, 25 de febreiro, na Aula da Natureza coñeceremos a forma de vida dos animais que fan tobeiras e viven en maior ou menor medida baixo terra. Veranse catro exemplos deste animais.

-A toupa. Ten unha vida practicamente subterránea con toupeiras moi evolucionadas, con cámaras de cría, galerías permanentes e outras de alimentación, que poden chegar a medir 10 quilómetros.

-O teixugo. Normalmente viven varios teixugos na mesma tobeira que pode ter unhas dimensións de ata 2 quilómetros cadrados. Os teixugos teñen máis vida exterior que as toupas, pero aínda así, están moito tempo baixo terra.

-O raposo. No extremo oposto está o raposo que só constrúe tobeiras na época de cría, pasando o resto do tempo descansado en pequenas covachas.

-O coello. Os outros grandes escavadores subterráneos son os coellos. Falarase do traballo que é preciso facer para manter unha coelleira.

Os rapaces farán maquetas dos diferentes tipos de tobeiras e despois no exterior poderán ver os buratos das toupas e mailas bocas de entrada das tobeiras do teixugo e do raposo.