Avisos

Por ejemplo, 29-09-2020
Por ejemplo, 29-09-2020
Viernes, 25 septiembre, 2020
Premendo no enlace que está ao pé deste aviso poderás obter os menús das Escolas infantís municipais O Bosque e A Madalena. Estes menús foron elaborados pola nutricionista municipal do Concello de Ames.
Viernes, 25 septiembre, 2020
Premendo nos enlaces que están a baixo o apartado de descargas, poderás obter os menús da Rede municipal de comedores escolares para esta semana, así coma suxestión para as ceas. Ademais, para equilibrar a dieta diaria de todos os nenos e nenas de Ames a nutricionista prepara un menú cos almorzos e merendas que se servirán dentro dos servizos complementarios (Bos día Cole e Tardes Divertidas) que se desenvolven nos centros de ensino.
Viernes, 25 septiembre, 2020
A Xunta de Goberno Local aprobou este xoves, 24 de setembro, ampliar ata o día 30 de outubro de 2020 o prazo de xustificación da convocatoria de axudas para a promoción de actividades levadas a cabo no exercicio 2019 por clubs e asociacións deportivas do concello de Ames.
Viernes, 25 septiembre, 2020
Dende o pasado luns, 21 de setembro, está aberto o prazo de preinscrición na nova programación das Escolas deportivas e culturais do Concello de Ames para o curso 2020-2021. O prazo de preinscrición amplíase ata o día 29 de setembro (martes 29 incluído). A xestión realizarase telematicamente a través da plataforma Cronos. Non se admitirá ningún tipo de inscrición presencial. Este ano non se permite a renovación de praza. Todas as persoas que queiran participar nas actividades das Escolas deportivas e culturais terán que facer a preincrición. Nas actividades que haxa máis preinscricións que prazas ofertadas realizarase un sorteo. Non se conceden as prazas por orde de inscrición. A listaxe de admitidos publicarase o 1 de outubro na páxina web do Concello de Ames. Ademais, cada persoa só poderá inscribirse nunha escola deportiva e nunha escola cultural. Non se permite a inscrición en máis dun grupo da mesma actividade.
Miércoles, 23 septiembre, 2020
O Concello de Ames, a través da Concellaría de Promoción Económica e Emprego, informa de que a Xunta de Galicia vén de anunciar unha medida para favorecer ás persoas demandantes de emprego e evitar desprazamentos para minimizar o impacto da COVID-19. Deste xeito, non será necesario realizar a renovación da demanda de emprego ata a partires do 31 de decembro de 2020.
Miércoles, 23 septiembre, 2020
A Consellería de Cultura, Educación e Universidade, da Xunta de Galicia, publicou este mércores, 23 de setembro, a Resolución conxunta, de data 22 de setembro de 2020, das Consellerías de Cultura, Educación e Universidade e de Sanidade pola que se aproba a actualización do “Protocolo de adaptación ao contexto da covid 19 nos centros de ensino non universitario de Galicia para o curso 2020-2021”, así como os Protocolos de “prevención da transmisión da covid-19 no alumnado con necesidades educativas especiais para o ámbito educativo” e o de “prevención da transmisión da covid-19 nos comedores dos centros educativos non universitarios”.
Martes, 22 septiembre, 2020
O Concello de Ames convoca unha bolsa de formación FEUGA para realizar prácticas formativas no Servizo de Normalización Lingüística titorizadas polo persoal técnico municipal. A bolsa terá unha duración de 12 meses e está dirixida a persoas graduadas en lingua e literatura galegas ou licenciadas en filoloxía galega. Para participar nesta convocatoria cómpre darse de alta na plataforma de FEUGA (no caso de non estar) e inscribirse na dita oferta. As persoas inscritas participaran nun pequeno proceso de selección a través do que se determinará o candidato/a seleccionado.
Lunes, 21 septiembre, 2020
O Concello de Ames recorda que para poder acudir ás oficinas municipais a realizar calquera tipo de trámite, de xeito presencial, é necesario sacar cita previa antes de acudir. Para iso ponse a disposición da veciñanza unha listaxe de números de teléfono e enderezos de correo electrónico para poder contactar cos diferentes departamentos municipais.
Lunes, 21 septiembre, 2020
Unha das liñas nas que se articula o Plan de reactivación económica para Ames é a posta en funcionamento dun espazo web informativo onde se recolle toda a información de interese para os afectados/as pola crise sanitaria da Covid-19, como normativa vixente, noticias, modelos e plantillas, e onde se levarán a cabo webminars para as persoas ou entidades implicadas. O Concello de Ames ven de habilitar a páxina web https://coronavirus.concellodeames.gal/, un espazo que permite ter toda a información centralizada e co que se pode difundir a información máis adaptada ao ámbito local, dun xeito máis directo, e onde a información é algo prioritario.
Lunes, 21 septiembre, 2020
Até o día 15 de outubro está aberto o prazo de presentación de propostas dos Orzamentos Participativos do 2020. Destinaranse 200.000 euros que se investirán no rural, nas áreas de mocidade, muller, cultura e medio ambiente. O goberno municipal propón á veciñanza que faga achegas e decida o gasto en actividades e investimentos escollidos a través deste proceso. As actuacións resultantes desenvolveranse ao longo do ano 2021. As propostas poderanse presentar na plataforma en liña que o Concello habilitou para facilitar a entrega de propostas, en vista das circunstancias actuais derivadas da crise sanitaria da COVID-19. Tamén poderá recollerse a ficha de propostas e enviar a proposta por correo electrónico ao enderezo opames2020@cidadania.coop, ou entregalas nas dependencias municipais.