Avisos

Por ejemplo, 06-07-2020
Por ejemplo, 06-07-2020
Jueves, 2 julio, 2020
A Concellaría de Normalización Lingüística informa de que están cubertas todas as prazas das actividades programadas para a Tarde con Apego do próximo xoves 9 de xullo. Existe unha lista de agarda coas persoas que non obtiveron praza, se algunha das persoas con praza renunciase a algunha das actividades, ocuparíase coas persoas que están en dita lista de agarda.
De Miércoles, 1 Julio, 2020 hasta Viernes, 10 Julio, 2020
O Concello de Ames vén de aprobar, a través de decreto de Alcaldía, un prazo excepcional de inscrición para o servizo de conciliación da vida laboral e familiar, “Escola de Verán 2020”, para o mes de agosto. Dito prazo estará aberto dende o 1 de xullo ata o 10 de xullo de 2020, ámbolos dous días incluídos. Este prazo extraordinario ábrese para todos aqueles pais/nais que non fixeran a solicitude durante o prazo ordinario que foi do 1 ao 8 de xuño. A presentación de solicitudes poderá realizarse de xeito telemático a través da sede electrónica do Concello de Ames ou de xeito presencial nas oficinas de rexistro de Bertamiráns e O Milladoiro, baixo cita previa. Ao pé desta nova podes obter o impreso de inscrición e mailo regulamento de funcionamento.
De Miércoles, 1 Julio, 2020 hasta Viernes, 10 Julio, 2020
O departamento de Benestar Social do Concello de Ames, a través da Concellería de Sanidade e do programa Ames Saudable, organiza para este mes de xullo as xornadas “Desconfinamento Saudable”. Trátase dun conxunto de actividades ao aire libre que se impartirán en grupos reducidos de máximo 15 persoas tanto en Bertamiráns como no Milladoiro. Hai prazas libres nas actividades da tarde e en ioga polo que aquelas persoas que o desexen, aínda teñen a posibilidade de inscribirse. O prazo estará aberto até completar o aforo en cada unha das actividades ofertadas. A inscrición pódese facer enviando un correo a promociondasaude@concellodeames.gal ou chamando ao número 649 45 02 64.
De Miércoles, 1 Julio, 2020 hasta Viernes, 10 Julio, 2020
Até o día 10 de xullo está aberto o prazo para solicitar o servizo de transporte adaptado para achegarse até ao colexio electoral e exercer o dereito ao voto nas Eleccións Autonómicas do 12 de xullo. Ten dereito a este servizo calquera veciño ou veciña de Ames con problemas de mobilidade que lle impidan desprazarse en vehículo propio ou en transporte colectivo. Quen queira utilizalo, pode reservar praza de luns a venres, entre as 9:00 e ás 14:00 horas, nos teléfonos 900 204 000 e 662 377 044. Tamén se pode reservar a través do enderezo electrónico voluntariado@concellodeames.gal.
De Martes, 30 Junio, 2020 hasta Viernes, 17 Julio, 2020
O Concello de Ames publica os impresos para realizar as inscricións nos campamentos de verán 2020. As Concellarías de Medio Ambiente e Mocidade ofrecen, a través deste programa, 252 prazas repartidas entre 9 campamentos diferentes que se desenvolverán en diferentes datas entre o 6 de xullo ao 5 de setembro. Os prazos de matrícula varían segundo o campamento de destino elixido. Ao pé deste aviso pódese descargar a documentación necesaria para realizar a inscrición.
Sábado, 27 junio, 2020
O Concello de Ames, a través da Concellaría de Educación, informa de que están expostas as listas definitivas de nenos/as admitidos e excluídos no programa municipal da Escola de Verán 2020. Este servizo está dirixido aos nenos e nenas de Ames que durante o prazo de inscrición estivesen escolarizados no segundo ciclo de educación infantil e primaria.
Viernes, 26 junio, 2020
O Concello de Ames publica as listas definitivas de usuarios/as preinscritos nos campamentos de verán de Mougás e do Terrón. Antes do sorteo comunicáronse 3 baixas no campamento xuvenil de Terrón, polo que non foi necesario realizar dito sorteo. Para o campamento de Mougás si foi necesario realizar o sorteo. Premendo na ligazón que está ao pé deste aviso podes consultar a lista definitiva de usuarios/as preinscritos nos campamentos de verán de Mougás e do Terrón e maila lista de agarda do campamento de Mougás.
Jueves, 25 junio, 2020
O Concello de Ames publica as listas definitivas de usuarios/as admitidos/as no programa de campamentos municipais para este verán, a través do cal ofertan 252 prazas repartidas entre 9 campamentos diferentes que se desenvolverán en diferentes datas entre o 6 de xullo ao 5 de setembro. Para os solicitantes do campamento de Terrón, e os de prioridade 3 do campamento de Mougás (ambos de secundaria e bacharelato), realizarase un sorteo este venres ás 12.00 horas no Salón de Plenos do Concello de Ames.
Jueves, 25 junio, 2020
O Concello de Ames, a través da Concellaría de Educación, informa de que están publicadas as listas definitivas de nenos/as admitidos/as nas escolas infantís municipais O Bosque, de Bertamiráns, e A Madalena, do Milladoiro, para o curso 2020-2021.
Martes, 23 junio, 2020
A Escola Municipal de Música de Ames abrirá o prazo de renovación de prazas para o curso 2020-2021 do 15 ao 30 de xuño. Este primeiro prazo de inscrición está orientado, exclusivamente, ás alumnas e alumnos da Escola para a continuación dos seus estudos. Debido ás circunstancias xa coñecidas, a renovación realizarase preferiblemente a través da sede electrónica do concello. Pódese descargar o formulario de solicitude de renovación de praza ao pé deste aviso.