Avisos

Ex., 18-09-2020
Ex., 18-09-2020
Luns, 14 setembro, 2020
A Concellaría de Deportes informa de que os usuarios e usuarias que queiran facer a reserva nalgunha das pistas de tenis ou pádel xestionadas polo Concello de Ames teñen que acceder a seguinte ligazón:
Luns, 14 setembro, 2020
Dende a Concellaría de Obras e Servizos Básicos infórmase de que a empresa UFD Grupo Naturgy vén de comunicar que coa finalidade de realizar os traballos de mantemento e desenvolvemento da rede eléctrica necesarios para poder atender nas mellores condicións as necesidade de subministración no concello de Ames, vai a realizar diferentes cortes na subministración eléctrica do Milladoiro e Bertamiráns os días 16 e 18 de setembro.
Luns, 14 setembro, 2020
Até o día 15 de outubro está aberto o prazo de presentación de propostas dos Orzamentos Participativos do 2020. Destinaranse 200.000 euros que se investirán no rural, nas áreas de mocidade, muller, cultura e medio ambiente. O goberno municipal propón á veciñanza que faga achegas e decida o gasto en actividades e investimentos escollidos a través deste proceso. As actuacións resultantes desenvolveranse ao longo do ano 2021. As propostas poderanse presentar na plataforma en liña que o Concello habilitou para facilitar a entrega de propostas, en vista das circunstancias actuais derivadas da crise sanitaria da COVID-19. Tamén poderá recollerse a ficha de propostas e enviar a proposta por correo electrónico ao enderezo opames2020@cidadania.coop, ou entregalas nas dependencias municipais.
Venres, 11 setembro, 2020
Premendo no enlace que está ao pé deste aviso poderás obter os menús das Escolas infantís municipais O Bosque e A Madalena. Estes menús foron elaborados pola nutricionista municipal do Concello de Ames.
Venres, 11 setembro, 2020
Premendo nos enlaces que están a baixo o apartado de descargas, poderás obter os menús da Rede municipal de comedores escolares para esta semana, así coma suxestión para as ceas. Ademais, para equilibrar a dieta diaria de todos os nenos e nenas de Ames a nutricionista prepara un menú cos almorzos e merendas que se servirán dentro dos servizos complementarios (Bos día Cole e Tardes Divertidas) que se desenvolven nos centros de ensino.
Xoves, 10 setembro, 2020
O Concello de Ames recorda que para poder acudir ás oficinas municipais a realizar calquera tipo de trámite, de xeito presencial, é necesario sacar cita previa antes de acudir. Para iso ponse a disposición da veciñanza unha listaxe de números de teléfono e enderezos de correo electrónico para poder contactar cos diferentes departamentos municipais.
Xoves, 10 setembro, 2020
Unha das liñas nas que se articula o Plan de reactivación económica para Ames é a posta en funcionamento dun espazo web informativo onde se recolle toda a información de interese para os afectados/as pola crise sanitaria da Covid-19, como normativa vixente, noticias, modelos e plantillas, e onde se levarán a cabo webminars para as persoas ou entidades implicadas. O Concello de Ames ven de habilitar a páxina web https://coronavirus.concellodeames.gal/, un espazo que permite ter toda a información centralizada e co que se pode difundir a información máis adaptada ao ámbito local, dun xeito máis directo, e onde a información é algo prioritario.
Mércores, 9 setembro, 2020
O Concello de Ames, a través do departamento de Educación, informa das normas para a recollida dos usuarios e usuarias da Rede de Comedores do Concello de Ames. Os comedores seguen os protocolos establecidos en cada centro educativo, polo tanto, desde a Rede de Comedores lémbrase que as familias non poden acceder ao centro.
Venres, 4 setembro, 2020
O Concello de Ames, a través da Concellaría de Promoción Económica, informa de que se ofrece un servizo de consulta e asesoramento sobre asuntos relacionadas con emprego, comercio, PEMES e autónomos.
Venres, 4 setembro, 2020
Dende o xoves, 3 de setembro, o persoal das oficinas da Unión de Consumidores de Galicia, en Bertamiráns e no Milladoiro, xa abren no seu horario habitual: os martes no Milladoiro e os xoves en Bertamiráns. Durante o mes se agosto ditas oficinas estiveron pechadas por descanso do persoal. O servizo de asesoramento enmárcase dentro do acordo que teñen asinado o Concello de Ames e a Unión de Consumidores de Galicia (UCGAL).