Para dispor de ditos horarios o Concello de Ames realizou un contacto directo coas compañías de transporte para coñecer os servizos actuais, os cales advírtense que serán temporais e poden sufrir variacións ao longo dos vindeiros días. Preme na ligazón que está ao pé deste Aviso para consultar a ampliación dos horarios do servizo de transporte metropolitano dende este xoves 11 de xuño.

Novas medidas no uso do transporte:
-Poderanse usar a totalidade dos asentos. Cando o nivel de ocupación o permita procurarase a máxima separación entre os usuarios/as.

-Cando existan plataformas habilitadas para o transporte de viaxeiros de pé, manterase unha referencia de ocupación de dous usuarios por cada metro cadrado na zona habilitada para viaxar de pé, debendo procurarse, en todo caso, a maior separación entre os pasaxeiros.

-Así mesmo, lémbrase a obrigatoriedade de usar máscaras dentro do medio de transporte.