Pestanas principais

Actualización dos horarios das liñas de autobuses durante o estado de alarma pola Covid-19

Xoves, 14 maio, 2020
O Concello de Ames achega información sobre os horarios do servizo de transporte metropolitano durante o estado de alarma, declarado polo Goberno do Estado, debido á pandemia da Covid-19. Este servizo de transporte metropolitano depende da Consellería de Infraestruturas da Xunta de Galicia. Os horarios foron ofrecidos polas empresas que prestan o servizo.

Con carácter xeral establécense as seguintes condicións para o uso do transporte público. En primeiro lugar, é obrigatorio o uso de máscaras que cubran nariz e boca. É obrigatorio para todos os/as usuarios/as do transporte en autobús. Ademais, limítase a ocupación total de prazas, de maneira que os/as pasaxeiros/as teñan un asento baleiro contiguo que os separe de calquera outro/a pasaxeiro/a.

Para dispor de ditos horarios o Concello de Ames realizou un contacto directo coas compañías de transporte para coñecer os servizos actuais, os cales advírtense que serán temporais e poden sufrir variacións ao longo dos vindeiros días. Preme na ligazón que está ao pé deste Aviso para consultar os horarios das liñas de autobuses durante o estado de alarma pola Covid-19.