O Concello de Ames, a través da Concellaría de Xestión do Medio Natural, vén de organizar unha nova actividade. Esta é a semana na que se vai poder comprobar cal vai ser a traxectoria do sol o día do eclipse, 12 de agosto. Coa intención de coñecer o maior número de localizacións para valorar a viabilidade de observación nesta data, convócase á veciñanza para que envíen fotografías do solpor dende distintos lugares. Aos 70 primeiros participantes agasallarémolos cunha guía de observación de aves do Val da Maía.