A comedia transmedia “GOLFA”, orixinalmente programada para o venres 25 de marzo, queda adiada por motivos de incompatibilidade de parte do persoal da compañía. No seu lugar, a función terá lugar dúas semanas despois, o venres 8 de abril, mantendo hora e lugar, o auditorio da Casa da Cultura de Bertamiráns, ás 20:30 horas. Tanto as entradas libres coma as dos bonos son válidas para esta nova data. No caso de non poder asistir, pódese contactar co departamento de Cultura para solicitar a devolución do importe.