O próximo luns, 22 de xuño, abre o prazo de inscrición para os primeiros cursos de natación deste verán, que se desenvolverán ao longo do mes de xullo. Ao pé deste aviso poderás obter o impreso de solicitude para realizar a inscrición. O prazo para facelo estará aberto ata o vindeiro día 28. En canto as cursos de iniciación ao piragüismo, as inscricións hai que tramitalas de xeito telemático enviando un correo electrónico a deportes@concellodeames.gal, no momento da recepción do correo enviarase o impreso de inscrición ao interesado/a.

O Concello de Ames, a través da Concellaría de Educación, informa de que están expostas as listas provisionais de nenos/as admitidos e excluídos no programa municipal da Escola de Verán 2020. Este servizo está dirixido aos nenos e nenas de Ames que durante o prazo de inscrición estean escolarizados no 2º ciclo de Educación Infantil e Primaria. Dende este mércores, 17 de xuño, habilítase un prazo de cinco días hábiles, ata o 25 de xuño (incluído) para a subsanación de documentación e presentar alegacións a ditas listas provisionais.

O Concello de Ames achega información sobre a ampliación dos horarios do servizo de transporte metropolitano dende este xoves, 11 de xuño de 2020. Neste aviso podense consultar os horarios das liñas que operan no termo municipal de Ames. Este servizo de transporte metropolitano depende da Consellería de Mobilidade da Xunta de Galicia. Os horarios foron ofrecidos polas empresas que prestan o servizo.

O Concello de Ames, a través da Concellaría de Educación, informa de que están publicadas as listas provisionais de nenos/as admitidos/as nas escolas infantís municipais O Bosque, de Bertamiráns, e A Madalena, do Milladoiro, para o curso 2020-2021. Os pais/nais terán un prazo de 5 días hábiles a efecto de exame e reclamación.