Premendo nas ligazóns que están ao pé deste aviso pódense obter os menús dos comedores escolares, Bos días cole e Tardes divertidas (almorzos, xantares e merendas). Estes menús foron elaborados pola nutricionista municipal do Concello de Ames.

O Concello de Ames, a través da Concellaría de Medio Ambiente, abre ata o 15 de xuño un prazo extraordinario de solicitude de praza para ocupar aquelas prazas que quedaron vacantes nos campamentos da Granxa Escola de Bergando e Corazón de Carballo, que están dirixidos a alumnado de 1º e 2 de educación primaria. A documentación presentarase preferiblemente a través do rexistro telemático na Sede electrónica do Concello ou no rexistro de calquera administración pública adherida á plataforma de intercambio rexistral (SIR). As prazas serán outorgadas por orde de entrada da solicitude no rexistro do Concello de Ames.

O Concello de Ames abre o prazo para solicitar permiso para a realización de cacharelas na noite de San Xoán, o vindeiro 23 de xuño. No caso dos espazos públicos, o prazo comprende do 5 ao 17 de xuño, ás 13:30 horas; mentres que para os espazos privados será do 5 ata o 21 de xuño, tamén ás 13:30 horas. As normas faranse extensivas á celebración de cacharelas/sardiñadas durante todo o mes de xuño. As solicitudes deberán presentarse preferentemente por rexistro telemático, a través da Sede electrónica do Concello de Ames. Tamén poderá facerse de maneira presencial nas Oficinas de asistencia en materia de rexistro do Concello. Podes descargar o impreso de solicitude ao pé deste aviso.

No marco das actividades de dinamización do mercado de produtos da horta e artesanía de Ames, este sábado 13 de xuño, ás 13.00 horas, organízase un sorteo de cesta de alimentos.