Avisos
Xoves, 20 agosto, 2026
O Concello de Ames, a través da Concellaría de Benestar Social, informa de que o venres, 14 de agosto, saíu publicada no Boletín Oficial da Provincia (BOP) a convocatoria de axudas destinadas ao apoio económico das familias numerosas do municipio. A contía total destinada a estas axudas é de 100.000 euros. Nesta convocatoria, o importe para as familias monoparentais ascende a 1.500 euros por unidade de convivencia. As persoas interesadas poderán presentar as solicitudes no Rexistro telemático a través da Sede electrónica do Concello de Ames ou de xeito presencial nas oficinas de asistencia en materia de rexistro situadas na Casa do Concello e na oficina municipal do Milladoiro. O prazo para presentar as solicitudes vai do 15 de agosto ata o 14 de setembro de 2026.
Venres, 14 agosto, 2026
Premendo na ligazón que está ao pé deste aviso pódese obter o menú das escolas infantís municipais de Ames. Este menú foi elaborado pola nutricionista municipal do Concello de Ames.
Venres, 14 agosto, 2026
Premendo nas ligazóns que están ao pé deste aviso pódense obter os menús da Escola de Verán 2026 (almorzo e xantar). Estes menús foron elaborados pola nutricionista municipal do Concello de Ames.
Mércores, 12 agosto, 2026
O Concello de Ames, a través da súa empresa pública municipal Augas de Ames EPEL que xestiona o servizo municipal da auga, vén de detectar un incremento significativo no consumo de auga nas últimas semanas, especialmente asociado a usos como o rego de xardíns e zonas verdes, o enchido de piscinas e outros consumos non esenciais.
Mércores, 12 agosto, 2026
O departamento de Educación do Concello de Ames fai públicas as listaxes provisionais de crianzas admitidas e excluídas no programa de conciliación Setembro Lúdico 2026, para a EEI do Milladoiro, o CEP de Ventín e o CEIP A Maía. O prazo de emendas e baixas remata o 24 de agosto.
Martes, 11 agosto, 2026
O Concello de Ames informa á veciñanza de que a Xunta de Galicia activou a situación de prealerta por escaseza moderada de auga no sistema do río Tambre e a ría de Muros, no que se atopa o municipio de Ames Esta decisión adóptase ante a evolución dos recursos hídricos, marcada pola falta de precipitacións, as elevadas temperaturas e o descenso continuado dos caudais, polo que se reforza o seguimento da situación e se fai necesario extremar as medidas de aforro e uso responsable da auga.
Martes, 11 agosto, 2026
O Concello de Ames, a través do departamento de Promoción Económica, informa de que o sábado, 15 de agosto, tanto o mercado de rúa como o de horta e artesanía permanecerán pechados por mor do festivo nacional. Deste xeito, non haberá mercado nin na rúa do Ameneiral nin na Praza da Maía.
Martes, 11 agosto, 2026
Premendo nas ligazóns que están ao pé deste aviso pódense obter os menús da Escola de Verán 2026 (almorzo e xantar). Estes menús foron elaborados pola nutricionista municipal do Concello de Ames.
Venres, 31 xullo, 2026
O Concello de Ames informa de que, mediante decreto da Alcaldía, autorizouse a ampliación excepcional dos horarios xerais de peche dos establecementos hostaleiros con motivo da celebración das festas da Madalena, no Milladoiro, e da Peregrina, en Bertamiráns. A medida estará vixente entre o 31 de xullo e o 9 de agosto de 2026. A ampliación será de ata dúas horas nas xornadas de maior afluencia e dunha hora no resto das noites festivas.
Venres, 31 xullo, 2026
O Concello de Ames informa de que, con motivo da celebración do festival Millarock, a parada de autobús situada xunto ao Centro de Saúde/Casa da Cultura do Milladoiro quedará temporalmente fóra de servizo durante o desenvolvemento do evento. O traslado estará vixente durante a celebración do festival, o venres 31 de xullo.
- 1 de 175
- seguinte ›