O Concello de Ames informa das medidas especiais fronte á Covid para o Nadal, aprobadas pola Xunta de Galicia a través do Decreto 222/2020 do 22 de decembro de 2020. Ditas medidas afectan á mobilidade (entrada e saída en Galicia; entrada en zonas de Galicia pechadas perimetralmente; e mobilidade nocturna) entre o día 23 de decembro de 2020, ás 00.00 horas, e o día 7 de xaneiro de 2021, ás 00.00 horas. Tamén afectan aos encontros familiares para as celebracións de Nadal dos días 24 e 25 de decembro. Ademais, lémbrase que no concello de Ames mantéñense vixentes as medidas do nivel básico. Prégase á veciñanza responsabilidade nestas datas e que se sigan extremando todas as precaucións. A recomendación do Concello e que as xuntanzas das celebracións das festas de Nadal só se fagan coa unidade de convivencia.

A Xunta de Galicia publicou no DOG este xoves, 3 de decembro, a actualización das medidas que lle afectan ao territorio galego para facer fronte á pandemia provocada pola Covid-19. No concello de Ames dende ás 00.00 horas deste venres, 4 de decembro, adóptanse medidas de nivel básico. Deste xeito, remata o peche perimetral; permítese a apertura da hostalería (50% de ocupación en interior e 75% en terrazas exteriores); a apertura de parques infantís, de biosaudables, e pitas polideportivas ao aire libre con aforo limitado; e xuntanzas de grupos de ata 6 persoas co o máximo. Mantense a restrición de mobilidade nocturna entre as 23.00 e as 06.00 horas. Lémbrase que o uso da máscara e o mantemento da distancia de seguridade interpersoal é obrigatoria. Ademais, incídese que nesta nova etapa de restricións é preciso que cada un/unha de nós actuemos con responsabilidade. Preme nesta ligazón para consultar as medidas de restrición de nivel básico que lle afectan ao concello de Ames.

A Xunta de Galicia vén de publicar este mércores, 4 de novembro de 2020, novas medidas de restrición que afectan á mobilidade da veciñanza e ao sector hostaleiro. Ditas medidas afectan a todo o termo municipal de Ames. Deste xeito, a veciñanza de Ames tan só poderá desprazarse polos termos municipais de Ames, Santiago de Compostela, Boqueixón, Oroso, O Pino, Teo, Trazo, Val do Dubra e Vedra. Soamente se poderá saír deste perímetro por causas xustificadas e contempladas no decreto da Xunta do 4 de novembro de 2020. Os establecementos do sector hostaleiro permanecerán pechados ao público e poderán prestar exclusivamente servizos de entrega a domicilio ou para a súa recollida no local e consumo a domicilio. Estas dúas medidas de restrición entran en vigor ás 00.00 horas do 7 de novembro de 2020. Ademais, mantense a restrición da mobilidade nocturna entre as 23.00 e as 6.00 horas. Preme nesta ligazón e consulta todas as restricións que afectan á poboación do concello de Ames.

A Consellería de Sanidade anunciou esta mañá o peche perimetral do concello de Ames, xunto cos concellos limítrofes de Santiago de Compostela e Teo. Deste xeito, queda restrinxida a entrada e saída de persoas no ámbito territorial delimitado, excepto aqueles desprazamentos adecuadamente xustificados conforme ao Decreto 178/2020. Non estará sometida a restrición algunha a circulación en tránsito a través dos concellos de Ames, Santiago e Teo. Este peche entrou en vigor ás 15:00 horas de hoxe venres 30 de outubro. Ademais, a permanencia de grupos de persoas en espazos de uso público, tanto pechados como ao aire libre, e en espazos de uso privado, queda limitado aos grupos constituídos só por persoas conviventes, incluídos nos establecementos hostaleiros. Este grupos poderán de ser como máximo de 5 persoas.