Sobresaínte actuación dos atletas do club MillaRaio no Campionato de España Sub14 celebrado en Xixón os días 16 e 17 de outubro. O club conseguiu un total de 478 puntos e trouxo dúas medallas para Ames: ouro en salto de lonxitude e prata en lanzamento de xavelina, ámbalas dúas acadadas por Nuno Castro. Todos os atletas lograron unha excelente actuación e varias marcas persoais. 

O/as atletas do Club Atletismo MillaRaio participaron no Campionato de Galicia sub14 celebrado nas pistas de Balaídos, en Vigo, onde remataron con tres ouros, unha prata e un bronce. En Lugo celebráronse os Campionatos das categorías sub16 e sub18 nos que o club rematou globalmente en primeiro lugar na categoría masculina en puntos por posto obtendo un total de 3 ouros, 2 pratas e 2 bronces.

O atleta Nuno Castro Albán gañou a prata no triatlón B no Campionato de España Sub14 que se celebrou esta pasada fin de semana en Sevilla. No evento tamén participaron outros tres atletas do club MillaRaio acadando moi bos resultados nas súas categorías.

Os atletas do Club de atletismo MillaRaio, que participaron este sábado, 8 de maio, no Campionato Xunta de Galicia de Marcha en Ruta acadaron catro medallas (unha de ouro, unha de prata e dúas de bronce). O club amesán participou con 9 atletas de todas as categorías. O club do Milladoiro tamén participou na Copa Deputación de Lugo con Alfonso Labella, que se clasificou para o campionato de España de lanzamento de martelo sub16. O MillaRaio competiu, ademais, no Campionato Xunta de Galicia de Probas Combinadas por clubs onde os atletas conseguiron mellorar as súas marcas.