Concelleiros:
Persoal de confianza de designación política:
Mónica Casas Fernández (auxiliar administrativa) // Retribucións: 22.353,37 euros
Curriculum:
Designación:
Pestanas principais
Bloque Nacionalista Galego (BNG)
Xoves, 19 de febreiro de 2026
O BNG de Ames subliña que para eles é prioritario o aspecto social, “e aí queremos facer especial fincapé na política de vivenda pública, por iso lle propuxemos ao goberno municipal que reservase unha porcentaxe para a construción destes inmobles nas cinco parcelas de titularidade municipal de Bertamiráns que puxo á venda”. A negativa a aceptar esta medida por parte dos socialistas, argüíndo que como os procesos se atopan xa en licitación non poden ser modificados, motivou o receo dos nacionalistas que sosteñen que o Concello pode desistir baseándose no interese público dado que os procedementos están nestes momentos en proceso, non resoltos. “É imposible negociar con quen non está interesado, chegamos á xuntanza coa mellor das vontades, pese a que nos chamaron cando xa estaba anunciada a data do pleno para a aprobación do orzamento, que era en menos de tres semanas, o que daba idea de que non tiñan nin o máis mínimo interese en dialogar” explica Pampín.
Xoves, 05 de febreiro de 2026
O Grupo municipal do BNG de Ames formula quince medidas para avanzar cara un modelo de concello máis xusto, sostible e centrado na vida cotiá da veciñanza. “Son propostas plenamente asumibles dende o ámbito municipal e orientadas a dar resposta ás necesidades reais: como o dereito ao acceso á vivenda, a envellecer dignamente, á mellora das infraestruturas deportivas, á protección ambiental e ó equilibrio entre o medio urbano e rural”, explica a voceira nacionalista Escarlata Pampín.
Venres, 30 de xaneiro de 2026
Acadar unha vivenda accesible en condicións adecuadas para todas as persoas é un dos principais obxectivos para o BNG de Ames, neste sentido a formación nacionalista leva meses propoñendo solucións para resolver a crise habitacional que sofre a veciñanza. No pleno de maio de 2025, presentou unha moción na que pedía frear o aumento do prezo dos alugueiros, facilitar o acceso social á vivenda, iniciar os trámites precisos para lograr a declaración de Ames como zona tensionada e adoptar as medidas necesarias para frear a proliferación de vivendas de uso turístico (VUT) no concello. Neste caso a moción nacionalista non contou co voto favorable nin do PSOE nin do PP, impedindo a posta en marcha destas iniciativas.
Mércores, 28 de xaneiro de 2026
O deputado do BNG no Congreso, Néstor Rego, presentou o pasado 26 de xaneiro varias preguntas ao Ministerio de Transportes en relación ás obras de humanización do Milladoiro. A 29 de Decembro do 2025 foi publicado na web municipal do concello de Ames o trámite administrativo de recepción das obras. Mais, “atendendo ás evidentes
deficiencias das obras executadas polo adxudicatario e que, por tanto, non pode considerarse a actuación como correctamente finalizada, deberan examinarse as accións necesarias para lograr un remate adecuado”, explica Rego.
Sábado, 24 de xaneiro de 2026
Xa hai tempo que a veciñanza do lugar de Ventosa na parroquia de Covas, veñen poñendo de manifesto que o trazado actual do Camiño non coincide co percorrido tradicional que, segundo a memoria popular e testemuños de persoas maiores da parroquia, discorría por outro lugar diferente ao actual. Este antigo camiño, ademais de ter maior valor patrimonial, evita o paso pola estrada principal, onde no núcleo de Ventosa atopamos un punto especialmente problemático e perigoso para as persoas que fan a ruta a pé que teñen que atravesar a estrada AC-453, sen ningún paso de peóns nin ningunha outra medida que garanta a seguridade nunha zona de escasa visibilidade situada entre dúas curvas. Polo que a situación actual supón un risco evidente para a seguridade viaria e pode derivar en accidentes ou situacións de perigo.
- ‹ anterior
- 4 de 11
- seguinte ›