A Aula Municipal Tecnolóxica da Información e da Comunicación, a Aula AMTIC, organizou para o mes de xullo dous cursos para público infantil e xuvenil arredor das artes dixitais. Para poder participar é preciso enviar cuberto o formulario de inscrición a informatica.milladoiro@gmail.com. Tamén se poderán facer inscricións no número de teléfono 698 172 347.

No marco das actividades de dinamización do mercado de produtos da horta e artesanía de Ames, este sábado 27 de xuño, organízase unha nova xornada do Club tixolas, un club de cociña dirixido a nenos/as de 6 a 12 anos que se desenvolve o derradeiro sábado de cada mes. Con esta iniciativa, búscase que os máis pequenos teñan un primeiro contacto co mundo culinario e que aprendan a realizar receitas con produtos frescos de proximidade e de temporada.

O Concello de Ames súmase á convocatoria da FEGAMP dun minuto de silencio mañá, venres 26 de xuño de 2026, ás 12:00 horas, diante da Casa do Concello en Bertamiráns e das Oficinas de Servizos Sociais no Milladoiro, debido ás devastadoras consecuencias do grave terremoto que afectou a Venezuela e que deixa tras de si unha gran cantidade de vítimas mortais e numerosos feridos.

A Axencia Estatal de Meteoroloxía (AEMET) no boletín 225/71GAL emitido o día 23-06-2026 ás 9:44h informa dun fenómeno meteorolóxico adverso por temperaturas máximas e tormentas.