Avisos

Ex., 08-02-2023
Ex., 08-02-2023
Xoves, 5 xaneiro, 2023
A concellaría de Obras e Servizos Básicos avisa á cidadanía que o vindeiro luns 9 de xaneiro darán comezo as obras de creación dunha améndoa central no núcleo de Bertamiráns. Os traballos iniciaranse na praza da Maía, polo que, nos vindeiros días ampliarase información sobre como van afectar ao tráfico e ás entradas e saída nos garaxes. Dende o Concello de Ames lamentan as molestias causadas á veciñanza.
Mércores, 4 xaneiro, 2023
Con motivo das cabalgatas de Reis que se celebrarán nas localidades do Milladoiro e de Bertamiráns ao longo da tarde de mañá, xoves 5 de xaneiro, o Concello de Ames desaconsella a circulación de vehículos polas rúas que percorran as carrozas, co fin de evitar retencións.
Mércores, 28 decembro, 2022
O Concello de Ames está organizando unha Gran Festa de Reis na que se recibirá a visita das Súas Maxestades de Oriente. Entre as actividades previstas hai unha recepción real que se fará o martes 3 e mailo mércores 4 nos pavillóns de Bertamiráns e do Milladoiro. Os Reis Magos estarán os dous días en ambas localidades. As visitas aos Reis Magos pódense facer de 11:30 a 14:00 horas e de 16:30 a 20:00 horas. Para participar en ditas recepcións reais é imprescindible sacar cita previa a través da Sede electrónica do Concello de Ames.
Luns, 26 decembro, 2022
Un equipo da Policía Nacional desprazarase ata o Pazo da Peregrina, en Bertamiráns, en tres datas distintas ao longo do ano 2023 co fin de facilitar a expedición do Documento Nacional de Identidade (DNI) á veciñanza. Achegaranse os días 12 de xaneiro, 7 de xuño e 7 de novembro, en horario de 9:00 a 12:30 horas, e terán oco para atender 75 citas cada unha das xornadas. As persoas interesadas en asistir para a expedición do DNI deberán escribir ao enderezo electrónico gabinete@concellodeames.gal ou chamar ao 881 074 730, aportando nome e apelidos e un teléfono de contacto.
Venres, 23 decembro, 2022
O Pleno do Concello de Ames, en sesión extraordinaria de data 21 de decembro de 2022, aprobou inicialmente o Orzamento Xeral do Concello para o exercicio 2023 xunto coas bases de execución e os cadros de persoal do exercicio.
Venres, 23 decembro, 2022
Premendo nos enlaces que están ao pé deste aviso pódense obter os menús do Nadal Lúdico 2022 (almorzo e xantar). Estes menús foron elaborados pola nutricionista municipal do Concello de Ames.
Xoves, 22 decembro, 2022
O Concello de Ames informa de que por decreto de Alcaldía se autoriza, do 22 de decembro de 2022 ata o 6 de xaneiro de 2023 (ámbolos dous incluídos), a ampliación nunha hora dos horarios xerais de peche dos establecementos abertos ao público, dos espectáculos públicos e das actividades recreativas. Ademais, autorizase a ampliación de dúas horas dos horarios xerais de peche as noites do 31 de decembro de 2022 e 5 de xaneiro de 2023.
Luns, 19 decembro, 2022
Un ano máis Ames é un dos concellos participantes na campaña de esquí organizada pola Deputación da Coruña entre o 13 de xaneiro e o 17 de febreiro de 2023. O programa está dirixido a rapaces e rapazas que teñen entre 11 e 15 anos cumpridos a 31 de decembro de 2022. Ao Concello de Ames correspóndenlle 15 prazas na cuarta quenda que será do 3 ao 6 de febreiro de 2023. Ademais, dos cursos de esquí, os participantes poderán realizar actividades complementarias ou alternativas no caso de que non se poida esquiar.
Venres, 16 decembro, 2022
O departamento de Educación do Concello de Ames fai públicas as listaxes definitivas de solicitudes admitidas e excluídas no programa de conciliación Nadal Lúdico 2022 para a EEI do Milladoiro, o CEP de Ventín, e o CEIP A Maía. Cómpre lembrar que os nenos e nenas inscritos/as na EEI do Milladoiro terán que acudir ao servizo do Nadal Lúdico que se impartirá no CEP de Ventín.
Xoves, 15 decembro, 2022
O Concello de Ames informa sobre a modificación dos horarios de apertura das bibliotecas municipais: