Avisos

Ex., 05-04-2020
Ex., 05-04-2020
Xoves, 26 marzo, 2020
Segundo se recolle no punto 4 do Aviso sobre medidas extraordinarias en materia tributaria e información de contacto dos servizos económicos/tributarios municipais e da Deputación da Coruña, non se pasarán os recibos daqueles servizos que se atopan suspendidos polo tempo que dure esta suspensión. Deste xeito, queda suspendido temporalmente o cobro dos recibos de febreiro e marzo dos servizos de Comedor escolar, Bos días cole e Tardes divertidas.
Martes, 24 marzo, 2020
O Concello de Ames informa das últimas medidas adoptadas este luns, 23 de marzo de 2020, tras a declaración do estado de alarma por Covid-19, e que foron publicadas no DOG este martes 24 de marzo de 2020.
Luns, 23 marzo, 2020
O Concello de Ames informa sobre o acordo do Centro de coordinación operativa da situación de emerxencia sanitaria no territorio da comunidade autónoma de Galicia, declarado polo acordo do Consello da Xunta de Galicia do día 13 de marzo de 2020 como consecuencia da evolución da epidemia do coronavirus Covid-19.
Sábado, 21 marzo, 2020
O Concello de Ames informa que os parques caninos quedan pechados ata novo aviso como consecuencia da aprobación do Real Decreto 463/2020, do 14 de marzo, de declaración do estado de alarma pola pandemia do coronavirus.
Sábado, 21 marzo, 2020
O Concello de Ames informa que as áreas municipais de autocaravanas quedan pechadas ata novo aviso. O Ministerio de Sanidade aprobou dúas novas ordes e unha instrución na que se establecen criterios interpretativos para a xestión da situación de crisis sanitaria ocasionada polo COVID-19. Ambas deben de terse en conta tanto pola Policía Local como pola cidadanía.
Venres, 20 marzo, 2020
O Concello de Ames informa que se aprobaron por parte do Ministerio de Sanidade dúas novas ordes e unha instrución na que se establecen criterios interpretativos para a xestión da situación de crisis sanitaria ocasionada polo COVID-19. Ambas deben de terse en conta tanto pola Policía Local como pola cidadanía.
Mércores, 18 marzo, 2020
O Concello de Ames informa sobre a circular 5/2020 remitida pola FEMP sobre a información de relevancia dos animais de compañía durante o estado de alarma.
Martes, 17 marzo, 2020
O prazo de presentación de traballos ao XVII Certame Literario do Concello de Ames queda suspendido ata novo aviso. O requisito de anonimato na presentación de traballos fai que sexa imposible outra forma de envío dos traballos. Desta maneira, o cómputo do prazo renovarase no momento no que perda a vixencia a declaración do estado de alarma ou, no seu caso, as prórrogas do mesmo.
Luns, 16 marzo, 2020
O departamento de Educación do Concello de Ames informa, de que debido ás circunstancias excepcionais que se están vivindo estes días, suspéndense e interrómpense os programas de preinscrición e renovación nos programas Bos Días Cole, Comedores Escolares e Tardes Divertidas.
Venres, 13 marzo, 2020
O Concello de Ames informa que a Xunta de Galicia vén de anunciar que a partir desta medianoite deberán permanecer pechados por un prazo de 14 días os bares cafeterías, restaurantes, salas de festas, discotecas, pubs, albergues do Camiño de Santiago, polideportivos, piscinas e furanchos. Poderán manterse abertas as tendas de alimentación (carnicerías, froiterías, peixarías e panaderías), supermercados, farmacias e quioscos de venta de prensa.