Avisos

Ex., 13-08-2022
Ex., 13-08-2022
Mércores, 20 xullo, 2022
Dende o martes 19 de xullo e ata o mércores 17 de agosto, as familias amesás poden solicitar axudas para a adquisición de libros de texto e material escolar para as crianzas que cursaron o segundo ciclo de educación infantil no curso 2021-2022 nun centro de ensino sostido con fondos públicos. Estas bolsas permitirán financiar os gastos efectuados desde o 1 de xullo de 2021 e o día en que finalice o prazo de presentación das solicitudes.
Mércores, 20 xullo, 2022
O Concello de Ames, a través do departamento de Persoal, informa sobre a resolución do proceso selectivo para a creación dunha bolsa de traballo de arquitectos técnicos do Concello de Ames.
Luns, 18 xullo, 2022
O Concello de Ames, a través da Concellaría de Deportes, organiza os cursos de iniciación ao piragüismo, que se desenvolven durante os meses de xullo e agosto, na praia fluvial de Tapia. Ditos cursos, que están dirixidos a nenos e nenas de 7 a 16 anos, impártense os luns, mércores e venres, a partir das 10.30 horas. O prazo para participar nos cursos do mes de agosto aínda está aberto. Para participar nesta actividade é imprescindible saber nadar. As prazas son limitadas, polo que é importante inscribirse enviando un correo electrónico ao enderezo deportes@concellodeames.gal.
Venres, 15 xullo, 2022
Dende o venres 8 e ata o venres 22 de xullo está aberto o prazo para inscribirse no servizo de conciliación “Setembro Lúdico”, que se desenvolverá este ano nos días 1, 2, 5, 6 e 7 de setembro. Poderán participar aquelas familias empadroadas no concello de Ames, con crianzas escolarizadas no curso 2022/2023 no segundo ciclo de Educación Infantil, agás os nenos e nenas de 4º ou en Primaria, e que teñan a necesidade de conciliar. O programa ten un horario de 7:30 a 16:00 horas, e inclúe os servizos de comedores e Bos Días. As persoas interesadas deben entregar a documentación necesaria na Sede electrónica do Concello de Ames, ou ben nas oficinas de asistencia en materia de rexistro do Concello de Ames (O Milladoiro e Bertamiráns), mediante solicitude de cita previa a través da Sede electrónica.
Venres, 15 xullo, 2022
Dende o 11 ata o 22 de xullo está aberto o prazo de inscrición para a segunda quenda dos cursos de natación deste verán, que se desenvolverán ao longo do mes de agosto. Nos cursos de natación do mes de xullo están participando 56 rapaces e rapazas. Estas actividades impártense nas piscinas descubertas de Bertamiráns e do Milladoiro. Esta iniciativa está organizada pola Concellaría de Deportes en colaboración coa Deputación da Coruña. As inscricións para os cursos de mes de agosto hai que tramitalas a través da plataforma Cronos.
Xoves, 14 xullo, 2022
O Concello de Ames abriu o mércores, 1 de xuño, o prazo para solicitar os carnés de usuario/a das piscinas municipais descubertas de Bertamiráns e O Milladoiro. Os interesados/as poden descargar o impreso de solicitude na web municipal (ao pé deste aviso ou no apartado de trámites) e deberán envialo cuberto aos enderezos de correo electrónico: deportes@concellodeames.gal ou deportes.milladoiro@concellodeames.gal. O prezo dos carnés oscila entre os 5 e os 20 euros dependendo das circunstancias de cada usuario/a. As piscinas municipais abrirán do 15 de xuño ao 15 de setembro en horario de 11.00 a 21.00 horas. O prazo de solicitude estará aberto ata o 12 de agosto.
Martes, 5 xullo, 2022
O Concello de Ames informa sobre o resultado da baremación das solicitudes de novo ingreso para as escolas infantís O bosque e A Madalena de cara ao curso escolar 2022-2023. Ditas listas sométense a información pública polo prazo de 10 días hábiles a efectos de exame e reclamación.
Luns, 4 xullo, 2022
No período comprendido entre o 1 de xullo e o 15 de setembro, as oficinas de asistencia en materia de rexistro (OAMR) do Milladoiro e de Bertamiráns terán un horario especial de atención ao público, de 8:30 a 13:30 horas. Este cambio inclúe ao padrón municipal, que atenderá na mesma franxa horaria.
Venres, 1 xullo, 2022
O Concello de Ames informa da convocatoria de axudas a través de incentivos á contratación por conta allea para a inserción laboral para persoas participantes no obradoiro dual de emprego "Renova IV". As solicitudes deberán presentarse do 2 ao 22 de xullo de 2022.
Venres, 1 xullo, 2022
Premendo no enlace que está ao pé deste aviso poderán obter os menús das Escolas Infantís de Ames para esta semana. Estes menús foron elaborados pola nutricionista municipal do Concello de Ames.