O Concello de Ames, a través da Concellaría de Xestión do Medio Natural, vén de organizar unha nova actividade. Esta é a semana na que se vai poder comprobar cal vai ser a traxectoria do sol o día do eclipse, 12 de agosto. Coa intención de coñecer o maior número de localizacións para valorar a viabilidade de observación nesta data, convócase á veciñanza para que envíen fotografías do solpor dende distintos lugares. Aos 70 primeiros participantes agasallarémolos cunha guía de observación de aves do Val da Maía.

Premendo na ligazón que está ao pé deste aviso pódese obter o menú das escolas infantís municipais de Ames. Este menú foi elaborado pola nutricionista municipal do Concello de Ames.

Desde onte, 20 de abril, e ata o 4 de maio de 2026 está aberto o prazo para inscribirse no servizo de conciliación Xuño Lúdico, que este ano se desenvolverá do 22 ao 30 de xuño. Poderán participar aquelas familias empadroadas no Concello de Ames, con nenos e nenas escolarizados no segundo ciclo de educación infantil ou en primaria, e que teñan a necesidade de conciliar. O programa ten un horario de 7:30 a 16:00 horas, e inclúe os servizos de comedor e Bos Días. As persoas interesadas deben entregar a documentación necesaria na Sede electrónica do Concello de Ames, ou ben nas oficinas de asistencia en materia de rexistro do Concello de Ames (O Milladoiro e Bertamiráns).

A Axencia Estatal de Meteoroloxía (AEMET) informa no boletín 155/71 GAL emitido o día 21/04/2026 ás 08:51 horas dun fenómeno meteorolóxico adverso de nivel AMARELO por TORMENTAS que afectará A CORUÑA (Noroeste, Interior), LUGO (A Mariña, Centro), OURENSE (Noroeste) e PONTEVEDRA (Interior) que se iniciará a primeiras horas da tarde do día 21/04/26, prolongándose ata a posterior madrugada.