O Concello de Ames, a través do departamento de Persoal, fai públicos os anuncios do BOP coa declaración de persoal laboral fixo e relación de aspirantes aprobados polos tribunais de varios procesos selectivos, así como os anuncios do DOG coa declaración de persoal laboral-fixo discontinuo e o nomeamento de persoal funcionario de carreira e declaración de persoal laboral fixo de varios procesos selectivos.

O Concello de Ames, a través do departamento de Persoal, fai pública a acta do tribunal encargado de xulgar as probas do proceso selectivo para a estabilización de dezanove (19) prazas de auxiliar administrativo/a. O Tribunal acordou reunirse o vindeiro venres 8 de setembro ás 10:00 horas para a preparación e posterior celebración da proba de coñecemento de lingua galega, así como para a resolución das alegacións á fase de baremación que puideran ter sido presentadas. Así mesmo, convócase á aspirante que non acreditou estar en posesión do certificado de lingua galega CELGA 3 á realización da proba específica, que terá lugar o venres 8 ás 10:30 horas.

O departamento de Educación do Concello de Ames fai públicas as listaxes definitivas de crianzas admitidas e excluídas no programa de conciliación Setembro Lúdico 2023, para a EEI do Milladoiro, o CEP de Ventín e o CEIP A Maía.

A unidade móbil de doazón de sangue, que esta mañá está instalada en Bertamiráns, na praza de Chavián (xunto á zona de carga e descarga da avenida da Maía), cambiará de ubicación durante o seu horario de tarde por mor das altas temperaturas. Deste xeito, entre as 15:30 e as 21:00 horas situarase xunto ao número 24 da avenida da Maía, na beirarrúa de enfronte.