Premendo na ligazón que está ao pé deste aviso pódense obter os menús das escolas infantís municipais de Ames para esta semana. Estes menús foron elaborados pola nutricionista municipal do Concello de Ames.

O Concello de Ames, a través do departamento de Deportes, informa de que o Día do Deporte, que ía ter lugar este sábado, 9 de setembro, queda adiado pola previsión meteorolóxica, posto que se agardan choivas para a xornada. Anunciarase unha nova data de celebración proximamente.

Tras abrir un período de renovación de matrícula e de novas altas, a Escola Municipal de Música de Ames (EMMA), fai públicas as prazas que aínda quedan libres de cara ao vindeiro curso 2023-2024. As persoas interesadas poderán inscribirse ata o vindeiro luns, 11 de setembro. As prazas serán adxudicadas por orde de entrada en rexistro. O alumnado que obteña a praza será contactado e poderá formalizar a súa matrícula ata o 14 de setembro.

A iniciativa "Volta ao cole co comercio", que se ía desenvolver a partir das 17:00 horas de hoxe, 5 de setembro, no parque do Ameneiral, en Bertamiráns, queda adiada polas inclemencias meteorolóxicas, posto que se agardan choivas para esta tarde. A xornada de onte, que ía ter lugar no parque verde do Milladoiro, tamén tivo que ser suspendida pola previsión de tormentas. O evento aprázase para o mércores 13 de setembro no Milladoiro e para o xoves 14 de setembro en Bertamiráns, e celebrarase nos mesmos horarios e ubicacións.