O Concello de Ames dispón dun local municipal onde os grupos musicais do concello poden ensaiar. Trátase de A Factoría, que está situada na parroquia de Biduído. Desde o día 1 ata o 15 de xullo estará aberto o prazo para que os músicos e músicas de Ames, que xa empregan estas instalación, poidan renovar a solicitude de uso do local municipal A Factoría. Na actualidade, 15 agrupacións musicais fan uso destas instalacións, que pouco a pouco a través de varias melloras, vai aumentando a demanda de novos usuarios/as.

Os Concellos de Ames e Brión poñen en marcha unha nova edición do obradoiro de emprego Renova. Os obradoiros duais de emprego son programas públicos de formación e emprego nos que as persoas traballadoras desempregadas participantes reciben cualificación profesional ao mesmo tempo que desenvolven un traballo produtivo en actividades de utilidade pública ou interese social.

O Concello de Ames abriu o luns, 1 de xuño, o prazo para solicitar os carnés de usuario/a das piscinas municipais descubertas de Bertamiráns e O Milladoiro. Este ano, como novidade, o proceso realizarase a través da nova app Concello de Ames. O prezo dos carnés oscila entre os 5 e os 20 euros dependendo das circunstancias de cada usuario/a. As piscinas municipais abrirán do 15 de xuño ao 15 de setembro en horario de 11.00 a 21.00 horas.

O Concello de Ames, a través da Concellaría de Educación, informa da publicación das listas definitivas de solicitudes admitidas e excluídas no programa municipal da Escola de Verán 2026. Este servizo está dirixido aos nenos e nenas de Ames que durante o prazo de inscrición estaban escolarizados no 2º ciclo de educación infantil e en educación primaria. Podes consultar as listaxes completas ao pé deste aviso.