O Concello de Ames, a través da aula AMTIC, organiza a xornada Día da Tecnoloxía do vindeiro 7 de setembro na que se sucederán obradoiros, conferencias e un espazo aberto para todos os públicos na Casa da Cultura do Milladoiro en horario de 9.00 a 19.00 horas. Pola tarde, celebrarase unha carreira virtual de coches. Trátase dunha xornada de divulgación tecnolóxica, aprendizaxe e diversión. Para participar nos obradoiros será preciso inscribirse na dirección de correo electrónico informatica.milladoiro@gmail.com.

A Aula AMTIC ten programado para estes meses de maio e xuño un curso de competencias dixitais para a vida cotiá nas parroquias de Trasmonte, Agrón, Ortoño, Augapesada e Covas. O curso ten unha duración total de 25 horas, e nel abordaranse cuestións como a xestión dixital, a creación de contidos dixitais ou o uso da intelixencia artificial. As inscricións pódense realizar enviando un correo electrónico ao enderezo informatica.milladoiro@gmail.com ou chamando ao número de teléfono 698 172 347.

A Aula AMTIC ten programado para estes meses de marzo e abril un curso de competencias dixitais para a vida cotiá nas parroquias de Biduído, Tapia, Bugallido e Ameixenda. O curso ten unha duración total de 25 horas, e nel abordaranse cuestións como a xestión dixital, a creación de contidos dixitais ou o uso da intelixencia artificial. Para participar, deberase enviar cuberto este formulario de inscrición a informatica.milladoiro@gmail.com. Tamén se poden facer inscricións no número de teléfono 698 172 347. 

A Aula Municipal Tecnolóxica da Información e da Comunicación (Aula AMTIC) do Concello de Ames, localizada no Milladoiro, oferta para este mes de decembro tres novos cursos, un para adultos e outros dous para os máis cativos, que comezarán a partir do día 17 e ata o final do ano. Dadas as datas, a temática destes obradoiros será de Nadal. As persoas interesadas en realizar calquera dos cursos, deben facer a súa inscrición chamando a través do número de teléfono 698 172 347, escribindo un correo electrónico a informatica.milladoiro@gmail.com coa correspondente solicitude cuberta e asinada ou de xeito presencial na propia aula AMTIC do Milladoiro. Pódese descargar a ficha de inscrición na seguinte ligazón.