Actualidade

Ex., 07-12-2021
Ex., 07-12-2021
Luns, 11 de outubro de 2021
Excursión á Devesa da Rigueira

A Devesa da Rogueira, xoia ecolóxica da Serra do Caurel, é o obxectivo da excursión ambiental que programa a Aula da Natureza para o sábado, 16 de outubro. Os autobuses sairán de Bertamiráns ás 8:30 horas e do Milladoiro ás 8:45. Os/as participantes deberán levar a comida da casa, ademais de calzado e roupa cómoda. A ruta é de dificultade media alta e dura 5 horas. Os interesados/as poden inscribirse no enderezo electrónico auladanatureza@concellodeames.gal

Luns, 11 de outubro de 2021
cartaz

“Monstros, lobos e outros” é o título dos contacontos que o Programa de Animación á Lectura artellou para o mes de outubro. Logo do éxito acadado no Milladoiro nas primeiras sesións, abre o prazo agora para inscribirse nas sesións que terán lugar os días 19, 20 e 21 ás 17:30 na biblioteca de Bertamiráns. A actividade está dirixida a nenos e nenas de entre 3 e 8 anos. Para inscribirse hai que chamar ao teléfono 981 88 48 29 ou enviar un correo electrónico a biblioteca@concellodeames.gal. Desde mesmo xeito poden inscribirse os rapaces e rapazas de 3º a 6º de primaria no obradoiro “Aloute Macchine” que dará a coñecer dun xeito lúdico e práctico os segredos da imprenta e que se desenvolverá o sábado, día 23 de outubro na biblioteca de Bertamiráns ás 11:00 e o venres, 29, ás 17:30 na do Milladoiro.

Venres, 08 de outubro de 2021
Presentación Festimax

Seis galas e catro obradoiros compoñen o programa da XVI edición do Festival de Maxia de Ames que se desenvolverá nas Casas de Cultura de Bertamiráns e do Milladoiro entre os días 22 e 24 de outubro. O evento constituirase nunha das  primeiras grandes citas da cultura amesán que se realice sen as restricións que até de agora impuña a loita contra a Covid19. Así o destacaron a concelleira de Cultura de Ames, Natividade González, o Mago e produtor de Abarajar Producciones, Dani Polo, e a técnica de Cultura, María Vázquez, que esta mañá presentaron o “Festimax” na Casa da Cultura de Milladoiro. A presenza de grandes figuras da maxia galega e internacional e aposta porque o Festival continúe contando con representación feminina foron as outras cuestións que se destacaron na presentación. A rapazada apaixonada da maxia xa pode inscribirse nos obradoiros enviando un mail a cultura@concellodeames.gal. As entradas para as galas tamén se poden adquirir desde hoxe na billeteira electrónica.

Venres, 01 de outubro de 2021
cartaz

Contacontos para nenos e nenas de 3 a 8 anos, obradoiros dirixidos aos rapaces e ás rapazas de 3ºa  6º de primaria e encontros literarios para público adulto conforman o Programa de Animación á lectura que as bibliotecas de Ames preparan para o últimos trimestre do ano 2021. Como novidade, a información completa do programa pódese obter escaneando o código QR desde o cartaz que anuncia as actividades. Para todas as actividades é necesaria inscrición previa que se pode tramitar chamando por teléfono aos números 981 53 08 07 , 981 88 48 29 ou a través do enderezo electrónico biblioteca@concellodeames.gal. Podes consultar aquí a programación completa do trimestre.

Mércores, 29 de setembro de 2021
O premio

Un clásico da literatura infantil en formato de musical, “O libro da selva”, e unha comedia aceda para adultos compoñen a carteleira de teatro deste venres, 1 de outubro de 2021, en Ames. Avento Produccións representará unha versión de “El libro de la selva” de Rudyard Kipling ás 18:00 horas,  na Casa de Cultura de Milladoiro. Por outra banda, a compañía de Teatro La Quintana trae a Ames “O Premio”, unha distopía en forma de comedia que se representará ás 20:30 na Casa de Cultura de Bertamiráns. Ámbalas dúas obras encádranse no programa “Medra coa cultura” e están cofinanciadas polo AGADIC. As entradas  poden adquirirse xa na billeteira municipal.

Martes, 28 de setembro de 2021
Casa da Cultura do Milladoiro

A Xunta de Goberno Local adxudicou a realización das obras de reparación e mellora das Casas da Cultura de Bertamiráns e do Milladoiro á empresa Área Proyección, Construcción e Servicios S.L.U. Este contrato ten un orzamento de 96.800 euros e está sufragado con cargo ao POS+ 2020.

Luns, 27 de setembro de 2021
A concelleira de Cultura visita as clases de alfabetización dixital

Os centros sociais das parroquias de Agrón, Trasmonte, Bugallido, Biduído, Augapesada, Covas, Tapia, Ameixenda e Ortoño acollen as clases de alfabetización dixital que se desenvolven para dar resposta a unha das demandas dos Orzamentos Participativos do ano 2020.  90 persoas participan nestes cursos que organiza a concellaría de Cultura en colaboración coa concellaría de Economía e Facenda. A concelleira de Cultura, Natividade González, asistiu ás primeiras clases en Agrón e Trasmonte.

Venres, 24 de setembro de 2021
O ciclo “O país das bandas” chega a Ames da man do Ateneo Musical de Negreira

“O país das bandas” chega a Ames este domingo 26 de setembro. O Ateneo Musical de Negreira será a encargada de amenizar a xornada dominical. A actuación terá lugar ás 13:00 horas na Casa da Cultura de Bertamiráns. Para asistir será por orde de chegada ata completar aforo.

Xoves, 16 de setembro de 2021
“Semente, o home que plantaba árbores”

O Concello de Ames retoma a programación cultural este venres 17 de setembro na Casa da Cultura de Bertamiráns. Será con “Semente, o home que plantaba árbores”, unha historia inesquecible sobre o poder que o ser humano ten de influenciar o mundo ao seu redor. A obra está dirixida a un público familiar. Para asistir pódense mercar as entradas na billeteira

Xoves, 09 de setembro de 2021
Comisión de Festas

A Concellaría de Cultura pagou, un ano máis, as actuacións dos grupos municipais nas festas patronais do concello. A colaboración coas Comisións de Festas ascende a 4.920€. Foron un total de 11 actuacións que serviron para amenizar outras tantas festas por todo o concello de Ames.