Solapas principales

Últimos días para inscribirse nos torneos online de xadrez organizados por Xogade

Martes, 15 de diciembre de 2020

O programa Xogade, da Xunta, en colaboración co Concello de Ames, organiza para os vindeiros sábados de decembro dous torneos online de xadrez. O día 19, competirase entre colexios por equipos e o día 26, individualmente. O prazo de inscrición remata este mércores, 16 de decembro. Para inscribirse é preciso chamar ao número de teléfono 633 447 674.

XOGADE é unha iniciativa promocionada e financiada pola Xunta de Galicia co obxectivo de levar a actividade a todos os concellos galegos e brindarlle aos escolares a posibilidade de practicar e competir cos clubs e colexios de toda a comunidade autónoma de Galicia.

Desta maneira, está programado para o próximo sábado, 19 de decembro, un torneo de xadrez online entre colexios por equipos. O torneo xogarase ás 20.30 e durará até ás 21.30 horas. Este torneo disputarase a través da páxina web gratuíta lichess.

Para o sábado, 26 de decembro, está organizado outro torneo, pero esta vez individual. Disputarase á mesma hora que o anterior, de 20.30 a 21.30 horas, e tamén se xogará a través da páxina web gratuíta lichess.

Ao pé desta nova encontrarás un vídeo explicativo sobre como funciona a páxina web utilizada para o torneo de xadrez. O prazo de inscrición remata este mércores, 16 de decembro. Para inscribirse é preciso chamar ao número de teléfono 633 447 674.

 

Torneo xadrez online.

Multimedia

  • Embedded thumbnail for