[22-10-2018] O venres 26 e o sábado 27 de outubro, O faiado de Nin impartirá un obradoiro de deseño de bolsas de lectura dirixido a nenos e nenas de terceiro a sexto de primaria. Para participar neste taller, que terá lugar nas bibliotecas municipais de Ames, é necesario inscribirse a través dos teléfonos 981 88 48 29 (Bertamiráns), 981 53 08 07 (Milladoiro) ou no enderezo electrónico biblioteca@concellodeames.gal. O prazo de inscrición remata hoxe 22 de outubro.
Entre a variedade de actividades destinada a animar aos máis pequenos e pequenas a que se mergullen no mundo da lectura, as bibliotecas municipais do Milladoiro e Bertamiráns teñen programado para outubro un obradoiro no que alumnos/as de terceiro a sexto de primaria poderán gozar do deseño de bolsas de lectura.
Este taller realizarase o venres na biblioteca do Milladoiro entre as 17.30 e as 19.00 horas, e o sábado de 11.30 a 13.00 horas en Bertamiráns. O número de prazas está limitado a 15 nenos/as por biblioteca. Así, a inscrición deberá tramitarse a través dos teléfonos 981 88 48 29 (Bertamiráns), 981 53 08 07 (Milladoiro) ou no enderezo electrónico biblioteca@concellodeames.gal.