Como un cidadán da pé pode chegar a converterse nun colaborador eficiente que actúe en situacións extraordinarias? Como alguén sen experiencia pode regular o tráfico, colaborar na extinción dun incendio ou prestar auxilio nun accidente?  A formación continúa que os voluntarios/as de Protección Civil reciben en materias como tráfico, seguridade viaria, coordinación en eventos e primeiros auxilios capacita aos homes e mulleres de vocación solidaria que conforman o persoal da asociación en Ames para actuar nas distintas situacións que se lles presentan.

Formación on line
Neste último ano, e por mor da situación sanitaria, moitos dos cursos fixéronse a través da rede. Varios voluntarios/as de nova inscrición realizaron na Academia Galega de Seguridade Pública o curso básico de formación inicial a través do que se lles outorga o título de voluntario/a. Tamén, e a través de ANAV, A Asociación Nacional de Asociacións e agrupacións de Voluntarios de Protección Civil España, realizouse recentemente un curso de “Intervención en presencia de riscos biolóxicos COVID19”.

Formación presencial
Porén, na actualidade, e sempre que as circunstancias o permiten, a ensinanza volve ser presencial e fondamente práctica. Recentemente, 18 voluntarios/as realizaron un curso de Primeiros Auxilios que impartiu persoal do 0.61. Entre os/asistentes había varios homes e varias mulleres que acababan de incorporarse e que recibían o curso por primeira vez. Emporiso, tamén asistiron algúns veteranos/as que desexaban “refrescar” coñecementos.  

O actual alcalde de Ames e concelleiro de Protección Civil, Blas García, di que "desde a creación de Protección Civil nos marcamos como obxectivo que os voluntarios e voluntarias estivesen preparadas e formadas ante calquera situación ou emerxencia, e por iso apostamos e apoiamos a diario esa preparación que se organiza desde a dirección local da Agrupación".

Para Juan Pérez Crespo, presidente da Agrupación de Protección Civil de Ames, o valor da formación é esencial para os voluntarios e voluntarias: “Temos que colaborar con diferentes institucións e estar formados nas distintas areas que nos podemos atopar. É un punto moi importante e necesario porque estar actualizados e realizar practicas fai que sexamos mellores á hora de actuar nas nosas intervención”.

Pola súa banda, a voluntaria Beatriz Vázquez, engade que “ademais, os cursos fomentan o traballo en equipo e a coordinación entre os voluntarios e voluntarias”.

Próximos cursos
A Agrupación Local de Protección Civil de Ames ten previsto realizar proximamente un curso de Servizo de Prevención de Incendios, co Distrito 3 de Incendios Forestais, e outro de apoio Loxístico e apoio de extinción”. Ademais, apoiados pola Consellaría de Seguridade Cidadá, os voluntarios e voluntarias de ames participarán, xunto coa Policía Local de Ames e os conserxes dos pavillóns e as casas de Cultura, nun obradoiro no que   aprenderán o manexo dos desfibriladores automático e semiautomático e técnicas de reanimación cardiopulmonar.

Na actualidade, 33 homes e mulleres conforman o persoal da Agrupación de Protección Civil de Ames. Calquera persoa que queira sumarse a este labor solidario pode poñerse en contacto con eles a través ddo teléfono 273 17 88, do enderezo electrónico avpcames@gmail.com e da páxina de Facebook.enderezo electrónico avpcames@gmail.con e da páxina de Facebook.

Novas relacionadas:

El Correo Gallego: "Voluntarios de Protección Civil aprenden e melloran ca élite do gremio"