Os irmáns Xoán e Olivia Parga participaron en Xaén no Campionato de España coa selección galega. Ambos non obtiveron os resultado desexados, pero mostráronse contentos co traballo e coa actitude mostrada que lles permitirá seguir mellorando en vindeiros campionatos. 

Xoán disputou un combate contra o actual campión de España sénior da súa categoría empatando a 0-0 e perdendo por decisión arbitral, non tendo a posibilidade de repesca. Segundo destacou non é o resultado que esperaba pero toca seguir traballando e preparando os próximos eventos coma a fase final que se celebrará en Tenerife a fin de semana do 13 e 14 de decembro, onde competirá cos 8 mellores karatecas de España, con esta proba pon fin a tempada 2024-2025.

Pola súa parte a súa irma Olivia disputou dous combates no Campionato de España, no primeiro gañou por 2-0 a rival de Madrid, e perdeu en segunda ronda tamén por 2-0 contra a rival de Andalucía, non tendo opción de repesca. Olivia dixo non estar contenta co resultado, pero si co traballo e coa actitude que lle permitirá seguir mellorando. Neste campionato puxo fin a tempada 2024-2025.

Ademais, a última fin de semana de novembro Olivia Parga deu comezo á tempada 2025-2026, desprazándose ata Lugo, onde disputou a I Xornada da Liga Galega, onde despois de tres combates proclamouse campioa desta primeira xornada, un primeiro paso na preparación desta nova tempada.