Os irmáns Parga García participaron a pasada fin de semana na II xornada da liga nacional de karate celebrada en Pontevedra. Xoan David Parga García competiu na categoría sénior <60 kg onde disputou dous combates, no primeiro impúxose por 5-0 ante un rival de Ferrol, mentres que no segundo perdeu 5-0 contra un dos mellores rivais da categoría, que a pesar de que dito rival chegou ata semifinais non lle permitiu a Xoán disputar a repesca.

Por outra banda, Olivia Parga, que participou convocada pola RFEK nun adestramento antes da competición, competiu en categoría cadete <47 kg disputando 5 combates. No primeiro impúxose por 9-1 á rival de Alicante do club Kuro Obi, mentres que no segundo combate impúxose por 3-1 á rival do club No-Kachi de Granada. Xa en cuartos de final perdeu 3-1 contra a madrileña do Kam. A pesar diso conseguiu entrar na repesca e puido loitar polo bronce despois de eliminar á rival do club Arenas de Asturias por 4-0. Na loita final polo bronce enfrontouse á karateka do club Karate Xabi Andorra, onde empatou 0-0 e non conseguiu a vitoria por decisión arbitral.

Agora Xoán David trasládase ata Langreo esta fin de semana para disputar a II xornada da categoría sub 21 e tratará de quedar entre os oito primeiros de España para clasificarse para a fase final que se vai disputar en Tenerife. Ademais, ambos deportistas están preparando o campionato galego  que se vai celebrar en Ferrol o dia 11 de outubro, que lles pode dar o pase para o campionato de España de Xaén que se vai a celebrar no vindeiro mes de novembro.

Novas relacionadas: 

Diario de Santiago: "Os deportistas amesáns Xoan David e Olivia Parga Garcia participaron na II xornada da liga nacional de karate celebrada en Pontevedra"