[28-04-2016] A partir do luns, 2 de maio, as oficinas do Milladoiro que teñen a UTE Acciona Auga-Espina Servicios e a empresa Gestión Tributaria Territorial, que xestionan o servizo municipal de abastecemento e saneamento de auga e mailo servizo de recadación municipal, respectivamente, trasládanse á rúa Viorneira, número 6, lugar onde estaba o antigo local da Garda Civil. Na actualidade, as oficinas destas entidades están situadas nas Oficinas xerais do Milladoiro, na rúa de Abaixo, número 10. Estes cambios prodúcense para liberar espazo nas oficinas municipais do Milladoiro.
Dende o vindeiro luns, 2 de maio, a UTE Acciona Auga-Espina Servicios e maila empresa Gestión Tributaria Territorial pasarán a atender a veciñanza amesá nas oficinas que terán instaladas no local número 6 da rúa Viorneira do Milladoiro. Ata o de agora estas empresas tiñan instaladas os seus locais nas Oficinas xerais do Milladoiro.
Ademais, o departamento de inclusión social do Consorcio Galego de Servizos de Igualdade e Benestar da Xunta de Galicia tamén cambia o seu lugar de atención ao público. Deste xeito, a partir do vindeiro luns, 2 de maio, pasará a a tender á veciñanza nun local da Casa da Cultura do Milladoiro. Na actualidade atenden ao público nas Oficinas xerais do Milladoiro.
Contido relacionado
El Correo Gallego: "Los servicios del agua y de la oficina tributaria se mudan a la rúa Viorneira"